ॐ卐ॐ卐ॐ卐ॐ卐ॐ

मयानि शंकर कति बु छ़ॉडथ

गाह च़ हरमोख गाह च़ कैलास

गाह च़ शुमशानस अन्दर

मयानि शंकर कति बु छ़ॉडथ।।

शिवाय नम: ऊँ, शिवाय नम:ऊँ, शिवाय नम: ऊँ  नमाशिवाय ऊँ

हे सदाशिव, हे उमाशिव,

म्योन च़ वॉत्यनय नमस्कार।

च़ेय बु ज़ासय च़ेय बु रोछितस

छुख च़ म्योनय मोल मअज

क्या खता छुम क्याज़ि त्रोवथस

यीरअ बुतखानअस अन्दर।

गंड में फयुरनम मुह माये

तृष्णाये वोल में ज़ाल

दमशुमअरी छम में शंकर

तशिनअ खुमखानस अन्दर।

गोट मे गोमुत छुम अछेन दौन

अनि सारे वोन्य दिवान

पनिने अनुग्रह कर में यरी

छुस बअ वीरानस अन्दर।

गोम लोकचार छ़लव करि करि

दरजवअनी अंधकार

पिलअकोत वोन्य छम में थर थर

नठ में आसमानस अन्दर।

तशिनअलब  छुस ज़न्मस ज़नमन,

त्रेशि हतिसीय छम पैपास।

चावतम अज़ मयूठ दामा

पानअ मोयखानस अन्दर।

बोड हच़रलद बेबसा तय

नाब कारा च़ेय शरण

आर यीनय अख गरा वोन्य

छुस बयाबानस अन्दर।

ध्यानशील छुख च़िय सदाशिव

दिम म्य पननुय चैनकरार ।

ध्यान-समाधी स्दय म्य करतम

चानतम शिवा गोफि अन्दर।

छुख पशुपती हे सदाशिव

कासत म्योनय पशुभाव।

त्रिगुण माया हर म्य शंकर,

निम म्य शिवधामस अन्दर।

पोश कअत्या फोलि वोरन

केंह छि कोमल केंह छि खार।

पोशि मति वोलय फेर चमनस

अछ च़ वोन्य पानस अन्दर।। 

हर हर महादेव। जय भोलेनाथ महाराज की जय।

अमरनाथ स्वामी की जय। महादेव के चरण में। 

हर हर महादेव।

अशोक कौल वैशाली