अशिवान्य छल् चअन् पादि कमल,

सतगोरो वरतम पादन तल।

फोल्नावतम लोल पम्पोश् ढल,

सतगोरो वरतम पादन तल।।

1

ही सतगार पादन लगयो,

न्यथ शिव चरण अमृत चमयो।

पूजहा पाद चअनि छम यह्य कल,

सतगोरो वरतम पादन तल ।।

2

दूरि छुख चूरि मन्ज परबतन्य,

पान वथराव चॉनेन वतन्य।

राग सॉन्स्य क्याह करि सरतल,

सतगोरो वरतम पादन तल।।

3

नअल् मायाजाल हयेथ अहंकार,

लूभ, मूह पत् छुम हयेथ हथयार

गाल काम क्रूध चलि मनकुय मल,

सतगारो वरतम पादन तल ।।

4

यिन् मशरावख ही शिवजी,

रोज़ि अमि शकुय दोद अन्दरी।

जिगरुक ब्लराव जखम् करतल,

सतगोरो वरतम पादन तल।।

5

पाफ करनावान छुम मोल्युत मन,

दया करतम छुम यि दुश्मन।

सत् सअत असत मारनुक दितम बल,

सतगारो वरतम पादन तल ।।

6

ज्ञान् अमृत सअत तन नावतम,

मुक्ती हुन्द मार्ग हावतम।

वातनावतम पानस निशे जल,

सतगोरो वरतम पादन तल ।।

7

हृदयस मन्ज़ छु प्रकाश चूनुय,

मान्य फलिन्य मन्ज छु गाश चूनुय ।

च्य आत्मा छुख छुन् किंह बदल,

सतगोरो वरतम पादन तल।।

8

च्य दूर व नज़दीख च्य चोपअरी,

सअरी छि चअनी नर व नअरी।

व्छमय न् दोगन्यार छुख च केवल,

सतगोरो वरतम पादन तल।।

9

छुख च्य ब्रम्हा, विशणो, महीश्वर,

ही सत्गोंर् बोज़तम म्य अअरचर ।

यचकाल गूम प्रारान बरतल,

सतगोरो वरतम पादन तल ।।

10

रोज़ व शब भक्तिस छ चुन्य ध्यान,

पाद चअन् हृदयस मन्ज़ बासान ।।

सहायतस रोजतम छुस निर्बल,

सतगोरो वरतम पादन तल ।।।

अशिवान्य छल् चअन् पादि कमल,

सतगारो वरतम पादन तल।

फॉलनावतम लोल पम्पोश्

ढल, सतगोरो वरतम पादन तल।।