कर्पूर गौंर करुणावतारं, संसार सारं भुजगेन्द्र हारम् ।

सदा रमन्त हृदयार विन्दे, भवं भवानी सहितं नमामि ॥

बालन छ़ालन छऽ सय छ़ारान अमरनाथ क्यन गो‘फन ।

शिव शंकर सत्य आकारुॅ पूज़ करयो च़रनन ॥

जटायन मंज़ छय गंगा वसान, हऽटिस वासुक शूबान।

‘सोऽहमुँच‘ तार पानुॅ वज़ान, पानुॅ श्रीराम नाव स्वरान ॥

अथस मंज़ त्रिशूल, कमण्डल, डाबॅुरॅ चुॅ वायान

शिव शंकर सत्य आकार, च़े‘य मंज़ बुॅय कायान ॥  

                                                             बालन छ़ालन छऽ सय छ़ारान अमरनाथ क्यन गो‘फन ॥ 1 ॥

शव छस बबा शिव बनावतम हावतम पनुन कमाल।

बुजरुॅच छम खसान थर थरुॅ, बावय पनुन अहवाल ॥

जवाऽनी सोरेयम, सो‘रुम नुॅ शंकर बोज़ता म्योल सवाल।

क्राल बऽनिथ बानूॅ थुरथुॅय फहल्यव माया ज़ाल ॥  

                                                                      बालन छ़ालन छऽ सय छ़ारान अमरनाथ क्यन गो‘फन ॥ 2 ॥

रुद्र मंत्रुक गोंड बुॅ दिमयो, ऊँ नमः शिवाय परयो ।

बहुरूप गर्भुक पाठ  बुॅ करयो, शिव कबुॅच बुॅ हुमयो ॥

पारधीश्वरस मंज़़ चुॅ छुख पानय, कऽण्ठगन बुॅ ज़़ालयो।

दतॅुरि पोशव वर्शुन बुॅ करयो, ब्येलपत्र शेरि लागयो ॥ 

                                                                       बालन छ़ालन छऽ सय छ़ारान अमरनाथ क्यन गो‘फन ॥ 3 ॥

नन्दकीश्वर ध्यान दाऽरिथ, शिव आकार छु प्रावान।

बालस प्यठ छ़ालूॅ मारान, उमायि सूॅत्य च़ुॅय रोज़ान ॥

कुमार गणीश चे‘न सन्तान, नन्दीगण पतुॅ लारान।

मुह माया माऽरिथ चु़ॅ़य, शिव परिवारस लोल बरान ॥ 

                                                                   बालन छ़ालन छऽ सय छ़ारान अमरनाथ क्यन गो‘फन ॥ 4 ॥

भक्ति भावय नाद लायय, मऽशिराऽवज़ेम नुॅ शङ्करो।

‘शिवः केवलोऽहम्‘ निर्वाण शब्द, म्यानि सुरेश्वरो ॥

ध्याऽनिश्वरुॅ छुख खऽटिथ पानय, हा म्यानि महीश्वरो ।

हर हर पऽरि पऽरि थर थरुॅ कासतम, म्यानि हरीश्वरो ॥  

                                                                          बालन छ़ालन छऽ सय छ़ारान अमरनाथ क्यन गो‘फन ॥ 5 ॥

तार दितमा खार ना कऽरिजेम नुॅ, सत्य आकार शङ्करो।

ही दीवो, महादीवो, कष्ट कोताह लो गुय परमीश्वरो ॥

ज़ाहर पानय पानुॅ चोथो, हटि नील प्येयो शङ्करो।

ऊँकार रूॅफी नीलकण्ठो, आशुतोष पानुॅ शङ्करो ॥

                                                                 बालन छ़ालन छऽ सय छ़ारान अमरनाथ क्यन गो‘फन ॥ 6 ॥

नाव ल्यूखमय हृदयस मंज़, लय तथ सूॅत्य करनावतम।

श्वद् व्यवहार, शोद् व्यच़ार, सत्य आकार वुछनावतम ॥

विभु विश्वनाथ छुख पानुॅ, निर्वाण अष्टकम परनावतम।

ऊँ कारुक शिव-शब्द अजर-अमर ओ३म स्वरनावतम ॥  

                                                                    बालन छ़ालन छऽ सय छ़ारान अमरनाथ क्यन गो‘फन ॥ 7 ॥

गऽर्य गऽर्य अधुॅ रो‘ट कऽरिथ, मतुॅ फऽसरावतम ज़ालस।

लोह लंगरस मंज़ फाऽसिथ, मतुॅ लागतम दावस ॥

हर हर महादीव, रूद्र रूप चोन ग्रास करान कलि कालस।

मुण्डमाला लाऽगिथ, बूतप्रीत, चानि वेवाह आयि सालस ॥ 

                                                                    बालन छ़ालन छऽ सय छ़ारान अमरनाथ क्यन गो‘फन ॥ 8 ॥

यूग बलय ‘माहेश्वर सूत्र‘ सपद्यव शब्द क्रियावान।

शिव सूत्र चानि प्रत्यभिज्ञा शास्त्रुॅक छि थऽदि प्रमाण ॥

अभिनव गुप्त शिव रूॅफ चोन, करान व्याप्त चराचरुक ध्यान।

परा प्रावेशिकायि मंज़ शयुॅत्रुॅह तत्वन हुन्द दितम ग्यान ॥ 

                                                                       बालन छ़ालन छऽ सय छ़ारान अमरनाथ क्यन गो‘फन ॥ 9 ॥

शिव-शक्ती ब्योन ना केंह, कति छु द्वैतवाद ।

शैव दर्शन त्रिकशास्त्र छु शिव अद्वैतवाद ॥

च्यथ छु आत्मा, उद्यम छु भैरव, छु यि न्यर विवाद।

स्वच्छन्द भैरव तंत्रस मंज़ छु चोन थोद समवाद ॥ 

                                                                   बालन छ़ालन छऽ सय छ़ारान अमरनाथ क्यन गो‘फन ॥ 10 ॥

स्पन्द शास्त्रुॅच पऽरिज़ानि मंज़ ‘स्पन्द‘ में परनावतम।

अमृतीश्वर पूज़ायि मंज सन्�