श्री विद्या
विद्यां परां कतिचिद् अम्बाराम्ब केचित्,
आनन्द मेव कतिचित्कति चित् च मायाम्।
त्वां विश्वमाहुर परे वयमामनाम,
साक्षादपार करुणां गुरु मुर्विमेव ॥
प्रणाम च़े‘ बऽविनय श्रीविद्या रुपिणी ।
ब्रह्माणी, नारायणी छख चुॅु पानुॅ रूद्राऽनी ॥
लाकिनी, साकिनी ब्येय शाकिनी ।
वर्धिनी, वामनयनी तुॅ गुप्फिथ त्रिपुरमालिनी ॥
प्रणाम च़े‘ बऽविनय श्रीविद्या रुपिणी ।
वास चोन छु, नाव यथ च़ऽक्रीश्वरी ।
पुरुष प्रकृति हुॅन्ज छख ईश्वरी ॥
तवय नाव प्योय च़़े राज़ राऽजीश्वरी ।
मातृकायन कायवुॅनॅु पानुॅ यूगीश्वरी ॥
प्रणाम च़े‘ बऽविनय श्रीविद्या रुपिणी ।
‘ऐं‘ शब्द शरीरॅुचुँ चूॅय मूलादाऽरी ।
बिन्दु - त्रिकून ब्येयि त्रिवलय आकाऽरी ॥
ताल बऽनिथ राग ग्यवान दश-आऽरी।
कलनावान कालक्रम बऽनिथ संहाऽरी ॥
प्रणाम च़े‘ बऽविनय श्रीविद्या रुपिणी ।
शारिका पीठस प्ये‘ठ चोन आकार।
च़ऽक्रोवथन त्रिभवन बऽनिथ आधार ॥
श्रीविद्या परनावतम हावतम बहार।
‘श्रीं‘ शब्द गो‘णविध बासान टाकार ॥
प्रणाम च़े‘ बऽविनय श्रीविद्या रुपिणी ।
ग्रजवुॅनुॅ म्वखुँ छख बऽनिथ सहस्त्रार।
ज़पनावतम ‘ऐं‘ बीज़ ह्यथ हªीम् कार ।
दश विद्यायि मंज़ छख पानुॅ ज़ाऽविजार।
‘चक्रेश्वरत हाजत रवा‘ छु चोन तापजार ॥
प्रणाम च़े‘ बऽविनय श्रीविद्या रुपिणी ।
आनन्दमयी छख बऽनिथ ताजदार।
कुलार्णव तंत्रस मंज़ चोन मंत्रसार ॥
आदि- मध्य- शक्ति कूट छि त्रे द्वार।
त्यें लि न्यरवानस मेलान यूगुक आहार ॥
प्रणाम च़े‘ बऽविनय श्रीविद्या रुपिणी ।
वसुकोण छु गिन्दान मंज त्रिवृताकार।
ग्राय मारान बऽनिथ ‘शब्दुॅ‘ म्वखुतुं हार ॥
नागदलस मंज छु च़ऽकरुॅ दलुक प्राकार।
मूल त्रिकून करान अविद्यायि सम्हार ॥
प्रणाम च़े‘ बऽविनय श्रीविद्या रुपिणी ।
अणिमा गरिमा छालूॅ मारान मंज़ अष्टदलस।
षोडश दल रास गिन्दान षोडशी मंत्रस ॥
रेखायि खऽनिथ पूजनावतम शिलातनस।
‘अहम्‘ शब्द ऐं- ह्रीं अनतम आयतनस ॥
प्रणाम च़े‘ बऽविनय श्रीविद्या रुपिणी ।
मंत्र शरीर छु श्री विद्यायि हुन्द अन्तर याग।
यंत्र प्रकरण छु अम्युक बहिर याग ॥
तंत्र छु रंगवुन तुलिमुलि नाग।
आऽखुॅर छु मेलुन यथ बनान प्रयाग ॥
प्रणाम च़े‘ बऽविनय श्रीविद्या रुपिणी ।
श्री विद्यायि मंज़ छि कीवल पंदह अछर ।
त्रिबाऽगिस संज़ करान अभ्युक से‘जर ॥
कुण्डलिनी ज़ाग्रथस दिवान पानुॅ पोछर।
गुरु कृपायि मंज छु अम्युक बज़र ॥
प्रणाम च़े‘ बऽविनय श्रीविद्या रुपिणी ।
श्रीविद्या समाप्त करान साऽरी भ्रम।
अऽदुॅरे अन्दर छु अम्युक काल क्रम ॥
शब्द मिलवन छि श्रद्धायि सान श्रम ।
श्रीविद्या बाला - भवानी छु तारुॅ त्रम ॥
प्रणाम च़े‘ बऽविनय श्रीविद्या रुपिणी ।
शैलपुत्री छख ज़गतुक आधार।
मूढ़ प्रकृति पानुॅ बनेयि साकार ॥
‘कादि‘ विद्यायि मंज़ छख पानुॅ न्यराकार।
‘हादि‘ विद्यायि मंज़ छु चोन व्यवहार ॥
प्रणाम च़े‘ बऽविनय श्रीविद्या रुपिणी ।
श्रीविद्यायि मंज़ छारुॅनुॅ नवद्वार।
अनाहत चऽक्रस मंज़ छु चमत्कार ॥
शिव-शक्ती मंज़ छु सद्व्यवहार ।
‘जया‘ छय श्शब्दसश् करान नमस्कार ।।