ब्रह्मेन्द्र रूद्रहरिचन्द्र सहस्त्र रश्मि ।

स्कन्द द्विपानन हुताशन वन्दितायै ॥

वागीश्वरी! त्रिभुवनेश्वरी! विश्वमातः ।

अन्तर्बहिश्च कृत संस्थितये नमस्ते ॥

च़ऽक्रेश्वर च़ऽक्रेश्वरी छु त्रिपुरायि हुन्द एकाकार ।

नाग रूॅफ श्री कुण्डलिनी! च़्यथ धवतम बरकरार ॥

इड़ा पिंगला राऽछ्य करतम दितम श्वद्ध वेच़ार

क्रिया मधुमती चुॅ पानुॅ, शोडशी नव च़ऽक्र आकार ॥ 1॥

सृष्टि स्थिति तुॅ - सम्हार छि चाऽन्य शाश्वत क्रम।

चानि वोपासनायि मंज़ 'शब्द] छु सनातन संयम ॥

काम- क्रूद- लूब - मुह चु-पंजुॅ़र्य कलिकालूॅक भ्रम ।

यूग अभ्यास करुॅनॅु सूत्य मेलान श्री विद्यायि हुँन्द नियम ॥ 2॥

च़ऽखरन हुन्द चऽखुॅरॅ श्री च़ऽक्र छु चोन नाव ।

त्रिकूटी दिवताहन ति लगान अऽति आव तुॅ जाव ॥

मनुष्य दीह मीलिथ चऽकरुॅ ग्यान म्योन सऽन्ज़राव।

प्राण अपानस मंज़ 'च़्यथ छु आत्मा' ई वोन्य ह्यछनाव ॥ 3॥

आनन्द स्वरूप छख, च़्यथ विमर्श रूप छख पानय।

अज़पाज़प छख] पानुॅ अन्नमय कोश छख जानि जानानय ॥

प्राणमय, मनोमय, विज्ञानमय सऽमिथ छख समानय

प्रपंच़ रुॅफस मंज़ सऽज़ि़थ पूर्णा मंत्र छु चोन प्रमाणय ॥ 4॥

च़ऽक्रीश्वर छुनॅु नेबर, यि छु पननुई सहस्त्र आर

ख्यनॅु मात्रुॅच शक्ती छि बनावान निराकारस ति साकार ॥

मातृकायन अर्थ दिथ, अग्यानस छख करान सम्हार।

श्री विद्यायि रुॅफस मंज़ पे’ठ छख बिहिथ मूलाधार ॥ 5॥

सौंदर्य लहरी तुॅ पञ्चस्तवी मंज़ छु गुफिथ चोन मंत्र सार

वसुकोण- दशार युग्म छु च़ऽमिथ मंज़ त्रिवलय आकार ॥

मन्वश्र - छु ग्राय मारान बऽनिथ शब्द शरीरुक सार।

नागदल छु नाऽगिन्यन नच़नावान, बऽनिथ ताजदार ॥ 6॥

मूलत्रिकून बिन्दु सहित करान कालस ति सम्हार।

‘लज्जा’ शब्द ‘ह्रीं’ छु सगवान बऽनिथ मूलाधार ॥

साज़ चोन वज़ान सेतार मनसुॅय बऽनिथ युग्म दशार।

ललिता चुॅ पानुॅ त्रिपोर सुन्दरी करान कालस ति सम्हार ॥ 7 ॥

च़क्रीश्वरस मंज़ छि अष्टसिद्धि गथ करान बऽनिथ अष्टदल ।

षोडशदल रास गिन्दान वो लसिथ च़टान अग्यानुक मल ॥

बाह्य - मध्य रेखायि छि अन्तर यूगस बनावान न्यरमल।

सृष्टि क्रम संहार क्रम छु चानि दर्शनुक फो’लवुन कमल ॥ 8 ॥

खसवुन तुॅ वसवुन 'मंत्र' छु ज़ानुन ही त्रिपोर- सोंदरी।

लोलवुन तुॅ फोलवुन ‘यंत्र‘ छु साधनायि हुंज़ च़ऽक्रीश्वरी ॥

असवुन तुॅ नच़वुन तंत्र छु कामकला तंत्रॅुच काऽमीश्वरी ।

लसवुन तुॅ पोशवुन त्रिपुरा रहस्य छु पूर्णा परमीश्वरी ॥ 9 ॥

ज़िठ्यव वोनमुत छु शास्त्र यथ वनान सृष्टि क्रम

यूग सादुन छु पानय च़्यथस मंज बासि संहार क्रम ॥

त्रिपुरायि बसिथ शरणागती समाप्त करान साऽरी भ्रम

खारून तुॅ वालुन शाह छु पानय, करुन छु यिहोय श्रम ॥ 10 ॥

चोन च़ऽक्र श्रीच़क्र छु नुॅ न्येबर छि पनॅुनिय नव द्वार

चानि पूजायि सूॅत्य छि गछ़ान अविद्यायि ति सम्हार ॥

शब्द शक्ती छि त्रिनाऽडियन करान पानुॅ संचार।

सृष्टि सम्हार ईकुन पानय छु त्रिपुरायि हुन्द आदार ॥ 11 ॥

चान्ये यच्छ़ाये कामकला यिवान छि वो‘दयस

कान्ता चुॅ कल्याणी, त्रिपुरा-भगवती वो‘लसनस ॥

विष्णु माया, विजया, तनुमध्या इवान सोंतय फो‘लनस।

परा-पश्यन्ती-मध्यमा-वैखरी संघाट करान शब्दस ॥ 12 ॥

चित्त, चित्ती, चौतन्य शब्द छि चानि पूज़ायि मंज़़।

कामेश्वरी बिन्दुतरपन छु अऽमि विद्यायि हुन्द संज़़

शरीर छु चोन द्युत अऽस्य, हो‘खराऽविथ छुनॅु करुन क्रंज़़।

गायत्री-सावित्री- व्याहृती छि चानि वोपासनायि मंज़ ॥ 13 ॥

त्रिपुरा, त्रिपुरेशी, त्रिपुर शक्ति छु चोन नाम स्मरण।।

पञ्चादश पीठस प्ये‘ठ शब्द मातृकायन छख कऽरिथ धारण ॥

भवचक्र मध्यमा प्रतिपदा बनेयि सृष्टि हुॅन्द कारण।

'जया' आयि च़ेय निश] करनि चोन यंत्र धारण ॥14