चतुर्भुजां चन्द्रकलार्ध शेखरां सिंहासनस्थां भुजग्मेपवीतीम् ।

पाशांकुशाम्बुरूह खड्गधारीणीं राज्ञीं भजे चेतहि राज्यदायिनीम् ।

लऽगिमुॅतुॅ छि अऽसि दूर स्येकि शाठन।

राऽगन्या कन थवि सानि पूज़ायि तुॅ पाठन ॥

दूर क्या जि माऽज त्राऽवथस -

तापुॅनि चंजि क्याज़ि थाऽवथस ॥

वालुँ वाशि मंज क्याज़ि लाऽजथस।

गऽरि-न्यबर क्याज़ि बुॅय कऽडुॅथस ॥

                                                 लऽगिमुॅतुॅ छि अऽसि दूर स्येकि शाठन ॥ 1 ॥

बावुॅ बऽख्ती मंज़ करतम स्यज़राह।

त्रावतय माऽज शिहिज पननी नज़राह ॥

परनावतम ‘रां राज्ञीं क्लीं’ पनुन मंत्राह ।

तुमिमुलि नागुक करनावतम् दर्शनाह ॥

                                                  लऽगिमुॅतुॅ छि अऽसि दूर स्येकि शाठन ॥ 2 ॥

तुलिमुलि छखुॅ हय माऽज रागिन्या तती ।

चाऽनि बऽखुॅतुॅ छि ईरुॅ गाऽमित यती ॥

न्यथ प्रभातन करान चाऽन्य् साऽरि स्तुती ।

ओश हारान कऽति करव चाऽन्य भक्ती ॥

                                                      लऽगिमुॅतुॅ छि अऽसि दूर स्येकि शाठन ॥ 3 ॥

करमस क्याह ओस अऽसि लीखिथ।

छा मुमकिन...... ह्यकोय ब्येयि मीलिथ ॥

चे़’ प्रुॅछ़नय अऽस्य् आयि नीरिथ।

वो’ न्य सोन बख्त थवि पानुॅ शीरिथ ॥

                                                लऽगिमुॅतुॅ छि अऽसि दूर स्येकि शाठन ॥ 4 ॥

जे़ठ ज़ूनपछ आऽठम आयख अवताऽरी ।

अष्ट भुज़ा माऽज छख सुॅहस सवाऽरी ॥

अरदुॅ च़ऽन्द्र कलायि सान बऽनिथ खुमाऽरी।

पाश-खड्ग- अंकुश सान चुॅय कुमाऽरी।

                                                   लऽगिमुॅतुॅ छि अऽसि दूर स्येकि शाठन ॥ 5 ॥

ऐं ह्रीं श्रीं क्लीं चुॅ - पानय परनावतम।

स्व प्रकाश पनुन पानय में’ हावतम ॥

रंगवुन रंग पाऽन्य् पानय वुछनावतम।

ब्रह्माण्डुक मूल ‘ब्यन्द’ पानय च़ुॅय हावतम ॥

                                                      लऽगिमुॅतुॅ छि अऽसि दूर स्येकि शाठन ॥ 6 ॥

दिल छुम करान, वुछॅहऽ ब्येयि तुलमुला।

करुॅहाऽ साधना परुॅहाऽ चाऽन्य लीला।

वैष्णवी शक्ती, नारायणी चुॅ़य सुशीला।

ऐन्द्री पानुॅ चुॅ नागस बावय पम्पोशमाला ॥

                                                    लऽगिमुॅतुॅ छि अऽसि दूर स्येकि शाठन ॥ 7 ॥

न्यथ करान आऽस्य पूज़ा तथ नागस।

शिशुरुॅनॅु छऽटि मंज़ वसान आऽस्य मागस ॥

रत्नदीप हयथ द्वद बावान चाऽनिस स्थानस।

र्वनि श्रौन्य् वज़ान ओस तथ बोन्य् शेहजारस ॥

                                                         लऽगिमुॅतुॅ छि अऽसि दूर स्येकि शाठन ॥ 8 ॥

जाय चाऽन्य ‘श्रीपीठ’ तथ पऽज़ि़ जाये।

भूतीश्वर बऽनिथ शिव यऽति मारान ग्राये ॥

बऽखुॅतुं प्रकरम दिवान लोलुॅ सान चानि पूजाये।

भाव बावान प्रथ दोह लोलुॅ तय माये ॥

                                                   लऽगिमुॅतुॅ छि अऽसि दूर स्येकि शाठन ॥ 9 ॥

दुर्गा छख चुॅ सर्वशक्तिमान पानुॅ महामाया।

राज्ञी सहस्त्रनाम छु सहस्त्रदलुॅच श्वद्ध काया ॥

यऽति नच़ान ‘लाकिनी’, कायनावान पानुॅ माया।

‘साकिनी’  बऽनिथ पानुॅ रऽटुॅथ नागस मंज़ जाया ॥

                                                               लऽगिमुॅतुॅ छि अऽसि दूर स्येकि शाठन ॥ 10 ॥

चुॅ विश्वरुपिनी लयस मंज़ थवान वेद माता।

गायत्री चुॅ पानुॅ  मुख्यदिनुॅ वाजे’ न ज्ञान दाता ॥

अनाहत च़क्रस मंज़ ठªॅहरिथ ‘राग्यनी’ माता ।

करान छि नमस्कार च़े’ य, सनत्वष्ट रोज़ ज़गत् माता।

                                                                लऽगिमुॅतुॅ छि अऽसि दूर स्येकि शाठन ॥ 11 ॥

जया विजया च़े’ य सूॅत्य पकान द्यन तय राथ।

शिव शङ्कर, भूतेश्वर दिवान छुय साथ ॥

महिषासुरमर्दिनी च़ुं पानय, राख्यसन दिवान माथ।

राजकरवुॅनु  राजरेन्य्, पानुॅ पीठीश्वर छुय नाथ ॥

                                                          लऽगिमुॅतुॅ छि अऽसि दूर स्येकि शाठन ॥ 12 ॥

‘पुरुहित-प्रिया-कान्ता’ बऽनिथ इतम पानय ।

नवार्ण मंत्रुॅच राज़बावथ बुॅ नय केंह ज़ानय ॥

‘वीर-भू-वीर-माता’ सान हावतम सु स्थानय ।

यति अन्ति समय�