भाव माला  वाख -1

लेखक : राजन्दर जद ( राज जद ) 2013

वाख 1 .

ख्योन गव सुय , युस दयस सज़े

यमिसअति दय नाव हृदयस प्रज़े

 न्यबिरिमि बोछि येमि लगि अधअ गंड

 अनधरिम बाव येमि ज़न नेरि खंड

 

वाख 2 .

संसकार क्रियायि हंज़ कर्मस जाय

पंअछ क्रिया दयु संज तथ मंज वोपाय

लय मंज़ रूज़िथ मलगछि दूर

वोथबव गछि तेलि बडि सुय नूर

 

वाख 3 .

गोबबोर कथ क्युत अथ क्या मोलु

गोबरिथ सअरी दबन अथ  तल

गोच क्योम ति त्रावन रेशम लाल

बनन छु तस सुय महाकाल ।

 

वाख 4 .

कथि कथि जुवो कुननो वातख

कोठि कोठि वातख पनुनुय गाम

सकली नीरिथ च्यैथ थवखदातस

अदअ क्याज़ि बासी मंदनने श्याम   

 

वाख 5 .

क्रिया यिछ़ त्युथ गछि़ ख्योन

सात्विक तामस्कि रजसविक ब्योन

वखतअ हिसाबअ ज़रूरत सान

जुव रोज़ि डंजि गछि र्निमान

 

वाख 6 .

शुन्यस ज़रबि शुनिय नेरान

शून्यस मंज़ दपन सोरूय बन्द

सेज़ि वति येलि यि शुनि फेरन

अदअ गछ़न पूरअ सअनी ग्रन्द

 

वाख 7 .

फलवा इंद्रियन लाकम चअरिथ

पज़रा छावनुक कर तिमन हअल

मनके गुर्ची छठ - छठ मअरिथ

ज्ञयांची रेहं कुन लगि अदअ मअल

 

वाख 8 .

मअ कर बअशि रूसकचिहaज़ पानस

पननी नाबि मंज़तस मुश्क अतफर

छाडन क्याज़ि छुख तमिसन्दि पअठ जहानस

लबहअन अन्दरय मुचराव दारि भर

 

वाख 9 .

मशवर करिथ येलि असि नेरान

कथ जायि वातव केंह न खबर

ज़ानिकुस तमिसअनज़ि खेलि हअरान

तोति भ्रम पअलिथ छि राज़अ गबर

 

वाख 10 .

दिवतअ तबज थवम प्येठ काठभरसय

आस छम यिय सुय दियअ र्दशुन

क्रूर खअरिथ जूल करि म्यानिस घरसय

दिवगोन दिथयकरि पोशअ वर्शुन

 

वाख 11 .

दयायि हुंद फंब सनतोष यथ दाव

सबरूक यथ गड पज़र सु पूरय

युस पूज़ि योन्यस अमी भावअ

तस मंज़ प्रखटान दयसुन्द नूरूय

 

वाख 12 .

पंअछ चोमरिथ सतन युसफैरि

नेबरिंम मशरिथ अन्दर थविकल

सथ रंग मीलिथ यख रंगनेरि

तस दय टूठित दियि दयबल

 

वाख 13.

पंअछ अक्षर मंत्र सनिथय पानस

पज़रूंक सु ज्ञान प्रखटान तेलि

नाद बिन्द छु सअरिसय जहानस

ॐ चे धारनिायि मुक्ती मेलि

 

वाख 14 .

शुद्ध अशुद्ध र्कमन त्रे  कअसअम फल

दसती ब्रोहकुन बेयिस जन्मस

शोद्ध र्कमव शोद्ध भावअ रोज़ि न मल

अथ यूगस भोग छु अमृत रस ।

 

वाख 15.

युथ आहार त्युथुय भाव

युथ भाव तिथिय अन्ताकरण

ताज़ शोद्ध ख्यथ शुद्धी पाव

अमी प्रकरच यूगीदय स्वरन ।

 

वाख 16.

पंअचअ हवनअ यि बचि सु अमृत ज़ान

ज्ञान तप, यूग, प्राणायम भाव बडिथ

अन्ता करण शोद्ध गछि़त शाद रोज़न

अमी अमृत दय मेलन त्रफतअ रूज़िथ ।

 

वाख 17.

गोरतत्व व्यछ़नाविथ खुलन तअरि

सूयि आतम भाव ज़अनिथ पायस प्यथ

अथ ज्ञानस युस लोल भरि लागि यअरि

न तस दोखु न माय् रोज़ि भ्रम अमृत च्यथ ।

 

वाख 18 .

सनच्यथ प्रारबद क्रयमान र्कमन

तमि ज्ञान अग्नअ सूर सपदिथ

त्यअगी बनिथ युस सु नाव दरन

तेली दय यूग , भ्रम सरूप बनिथ ।

 

वाख 19.

ज़न्म मरन दअदि तु बुजरूक दोखु

ज़ीवस बूगन छु संसारस यिथ

छिनअ मोसूस तस बासान सोखु

युस भूगि अथ त्यअगी रूज़ि़थ

 

वाख 20.

न छुस आध न अन्त न सिथर संसार

वासना ममता अहन्त माया ज़ाल अथ मंज़

दय नाव सोरिथ भवसर अदअ तार

येति वेरागि बनिथ मुख्ती हुन्द संज़ ।

 

लेखक : राजन्दर जद ( राज जद )