भाव माला - वाख-2

 

वाख 21 .

नव द्वार पानस अथ क्याह करख

अमिचूर फरिथ डुबडास करन

रूज़िथ खअलि अन्दरअ सु नाव दरख

तेलि क्याह रावि कथ तिम फरन ।

 

वाख 22 .

न निंद्यायि दुखी न तरीफव खोश

मनुश्यन र्फख ज़ानि न केह

भक्ति ( भखति ) बनिथ स्यद भाव थवि संतोष

दयस आसन तमिसुन्दुय शह ।

 

वाख 23.

आयि कति तअ गछुन असि कोत

राजस वअकफ गछि लबि वथ

तस क्याह करि येत्युक हयोत दयोत

थवि युस तसप्यठ अख कुन्नीसथ ।

 

वाख 24.

युस तीज़ सिरियस चन्दरम अगनस

सुय नेत्रन मन आवाजि मंज़ ज़ा++न

प्रकाशमान लबि पननिस दयस

तमी दयगति छु प्रज़लान पान ।

 

वाख 25 .

पानय पानस ज़्यवन पानस

नेरंन पानस यिय पानस

यिति गN+ च़टन तस ज़ हानस

युस पअरि लगन शिव दामस ।

 

वाख 26 .

यस दोद तस दग सुय ज़ानान कदर

संसार मशरिथ दगि पान ललवान

वख्त त भख्त युस ज़ानि ज़ वोद्धर

तस संतोष यम्बरज़ल पाअनअ फोलन

 

वाख 27.

हरकति सअती भरकथ आसन

शोद्ध अन्ताकरण पाप गलन

बेहवाल रोजुन अरेर कासन

आलच +मूड़ रूज़िथ पाप फोलन ।।

 

वाख 28.

जिव ज़अच कुलि कटि पूज़ि़ युस

मनअ पूज़ा तन शोद्ध थअविथ

तमी बानअ सोदा तथ गाट्अ कुस

छु दय तथ मंज़ सरूप भअविथ ।।

 

वाख 29.

खुरि लद डेंजि युस खुर कासि

सअचनि भरि मुहुल तारि

पN+ करि युस तस प्रखुट बासि

बे पछ क्या लबि अनि सारि ।

 

वाख 30.

शिव सुन्द ध्यान थविथ पान युसगालि

पअंछ शोद्ध क्रयि श्रवि तिमन होश

अन्दिरिम सतअनय गडिं अकि मालि

तसमान मुख्ती तअ येति संतोष

 

वाख 31 .

अभ्यास पानस प्रज़लन सु नूरय

सत्यचे नावि सदरस रटिथ नम

तस बहाव करि क्या गछि तार पूरय

दय नाव सोरिथय गछ़न खोफ कम

 

वाख 32 .

सकाम भाव शोद्धकर्म युस करि

यितअ गN+ छेनिनअ मोकलन पाय कति

निशकाम र्कमय तस अरपन युस करि

बन्दन छ़ेनिथय मुख्ती यहय सत्य

 

वाख 33.

गोडअ विश्वास गोरस , ज्ञानस , ध्यानस

आत्म विश्वास बडिथ बनि आत्म सरूप

अदअ बोद्ध लगि निशकल न्युरगुणस्थानस

युस पानअ केवल निराकार भ्रमरूप

 

वाख 34 .

काम क्रूद मन थविथ कच़े

मोह लुभ अंहकार त्यअगिथ त्याग

ध्यान प्रकरम करिथ अन्दरिमि ज़चे

दय म्युल सपदिथ यूगुक बाग

 

वाख 35 .

मन सअति म्यादस कर खानअ चोर

दोनु ख्यनसंअति खार चय अद पोर

त्रेयम पानि सअति पतअ भरून गव जान

चूरिम खअली थवनुक थव ध्यान ।

यि मंत्र थवि अदअ रूगव दूर

वीदन मंज़ ति व्याख्या अमिक्ष पूर

 

वाख 36 .

चूडअ हमवार गछन यि डूर

सग खाधि बेरव गछ़+न यि पूर

युथय ब्योल त्युथय नेरि फलआहार

दय संज़ि गति फोलन गुलज़ार

 

वाख 37.

पननिस पानस कडअनि आलथ

लबिकुन थवअनि पनअनि जहालथ

अन्दरिम मोख्त ब्योल तथ करअनि लय

युस न कांह दिवान सु दियि दय ।

 

वाख 38 .

त्रेश गछि़ ख्योन , ख्यन गछि चयोन

खोशु मिज़ाज़ भावसान बोछि वखतअ

वोखरय अन्दरय गछि तेलि नोनअ

अमृत कोंड युस करि सिरिय रखत

 

वाख 39.

कोंदे मंज़ भर म्येचि हन्दि बानय

अन्दरिम नार ज़ाल ठान थवुस

तपबल नेरन पोख्तघ्य पानय

गफलत गछि न तस बेदारयुस

 

वाख 40.

मअलिख सोज़न कारबार करनस

अनज़ान दीशस फीरिथ थूरिथ

हिसाब सु प़ानअ करन रोज़न कवस

वखत डेंशन त निवन शोंगिविथ ।

 

लेखक : राजन्दर जद ( राज जद )