कथ हालस मंज गयम वंउस

कंउसि हुंउद समसार छा

बी मय वुछमय ती मय वोनमय

ती मय बुजय सारवुय

नावउ रौस पौगाम सोजया

कंउसि हुद समसार छा।।

क्या छु समसार भ्रम त बउजगार

हार खयथ होरूम सयठा

तार दिम बौसर कठुन छुम

वारउ छनस प्रारउ क्या

कथ हालस मउज गयम वंउस

कंउसी हुद समसार छा॥

बउजगउरी हुद छु समसार

बउज बुछ बुछ बउद गयस

राज पनुन थव मनसय मंउज

कंउसी वननस वार छा

कथ हालस मंउज गयम वंउस

कउंसी हुद समसार छा।।

दिल मय द्धौदुमुत हंनि हीने

वनउ कस पार पार गौम

तार दियउना तारउवुन सुय

तार दियना तारउ सुय

तारउ तारउय वुन दिवान छस

क्या सु कृष्ण अवतार छा॥

अज ताम कोता मय सरउ गौम

पयौम मुसीबत वनउ कस

हाल क्या वनउ हाली बे हाल

नालउ रटनस वार छा

कथ हालस मंउज गयम वंउस

कंउसी वननस वार छा॥

बे आरउस वनहा बौ

क्या सना याद पेयि तस

बेकरउरी छम मय गउमचि

चानी बापथ वनउ कस

यी मय गौमुत ती बुउ वनहा

कमलाय वननस वार छा

कथ हालस मंउज गयम वंउस

कंउसी हुद समसार छा ॥

साभारः कमला रैना (चौगाम)