अपजुय समसार करनस बंदउय

य छु कालउ फंउनदय बेयउ न केंन्ह

अज ताम वौनुम मयौनुय मयौनुय

चोनुय सोरुय मयोन न केंन्ह

अपजुय समसार करनस बंदउय

य छु कालउ फंउनदय बेयउ न केंन्ह ।।

कोता काल वोत घरउ घरउ करान

यति पयव पउरय घरउ न कंन्हा

जुव आव सोरान फीउर फीउर घरय

यति पयव पउरय घरउ ना कंन्हा

अपजुय समसार करनस बंदउय

य छु कालउ फंउनदय बेयउ न केंन्ह ।।

वउसे छउनडिम शुरय तय बउचय

तिम ना जउचय हिविस हिव

नाहकय रउविम दोह तय रउचय

वुनि छय सुल सौर नारायन

अपजुय समसार करनस बंदउय

य छु कालउ फंउनदय बेयउ न केंन्ह ॥

रात दोह रावन शुरयन बाचन पथ

दोहस लूकउ हउज़ गउबत करान

लोबथ क्या तय लउबुन क्या छुय

त्रराव बेयन हउज़ नफरत त दुय

अपजुय समसार करनस बंदउय

य छु कालउ फंउनदय बेयउ न केंन्ह ॥

यति हा गछान कउत कउत अकउतुय

कउतनउ खोतउ वुछमय अकउतुय

जान करन वउल वुछमय गअमउत हालि हउरान

न करन वउल छउय सारी खोतउ जान

अपजुय समसार करनस बंदउय

य छु कालउ फंउनदय बेयउ न केंन्ह ।।

साभारः कमला रैना (चौगाम)