वदना मदनो रूदुम न वोनये
Kamla Raina (Chowgam) कमला रैना (चौगाम)
वदना मदनो रूदुम न वोनये
कोरसना कुनये गोम ॥
कनव बूज अछव ह्योत वुछुनये
ज्येवि ह्योत वनुनये
न छु तस वुछुन न छु तस वोनये
कोरसना कुनये गोम ॥
कोहन त बाललन हयेतुम खसुनये
वति वुछी म्य फुलया जान
न छि तति बोछि न छु तति ख्योनये
कोरसना कुनये गोम ।।
रउगि रउगि ह्योतनम साज़ वजुनये
रोन्नि छोन्य छोन्य बूजुम
मोन्नि फोल्नय मंज हमसन लल्वुनये
कोरसना कुनये गोम ॥
साज सेतारं ह्येतुन वजुनये
सातस छुन ना छन
सुय दुरदान गछि खोनि ललवुनये
कोरसना कुनये गोम ।।
सारंग सेतार बाज् वजुनये
मुरली नादस कन
मुरली स्वर गछि कन् बोज़ुनये
कोरसना कुनये गोम ॥
बीन स्वरनय स्वर ह्योतुन वज़ुनये
हनि हनि लजमो थर
बन्वर आवलुन ह्योतुन फेरुनये
कोरसना कुनये गोम ।।
सिर्ययी ओदयस युनये ह्योतुन
गाह प्यव कोह सारन
नूर पनने नूर हयोतुन व्यसरुनये
कोरसना कुनये गोम ॥
कमलायि पानस वोनये
सारसीय कोरनय कुन
कुनसीय ह्योतुन प्रजलुनये
कोरसना कुनये गोम ।।
साभारः कमला रैना (चौगाम)