द्वोख त द्वोद तेलि बलि

येलि सूहम रलि

शिव ज़ान थलि थलि

येलि सूहम रलि ॥

ओमसय लय कर

मनसय पय कर

रव्य गछि मुह कोलि

येलि सूहम रलि ॥

मनसय गाश आव

गटि मन्ज़ गाश द्राव

गट् चउज्य त गाश फोलि

येलि सूहम रलि ॥

आरस अउचिथय

रंग रोट मसवलि

नरि क्या नउचिथय

येलि सूहम रलि ॥

आर् मन्ज नेरसह

आरस फेरसह

आर्वल वार् फोलि

येलि सूहम रलि॥

बेलमुशक पोशन

रोज़ अन्द गोशन

छाव हीय मसवलि

येलि सूहम रललि ॥

बउठय बउठय फीरस

प्यठ नागरादन

मानसरह पान छलि

येलि सूहम रलि ॥

नवद्वार त्रोपराव

नवद्वार प्रज़्नाव

यिनस् फटि होछि कोलि

येलि सूहम रलि ॥

बन्द म् कर दरवाज़

कर न्यबर परवाज़

गंग ज़मना रलि

येलि सूहम रलि ॥

हफत् खान नीरिथ

सफत् रेश्य साउत्य छिय

अन्न कर फलि फलि

येलि सूहम रलि ॥

क्रन्जलि पोन्य मेनुन

येति क्या जेनुन

येति गछि छलि छलि

येलि सूहम रलि ॥

संसार त्रावुन

पान रथि खारुन

यिन् स कमला डलि

येलि सूहमं रलि॥

साभारः कमला रैना (चौगाम)