कोतसना गोम सुव्यसिये

तम्बलाउविथ हय चोलुम

सम्बलाउविथ बेयि यियिना

तम्बलाउविथ हय चोलुम ।।

ल्वकचारस बाल् पानस

श्रोन्य श्रोन्य म्य गोम

मंज़ आरस चोल म्य त्राउविथ

तम्बलाउविथ हय चोलुम ।।

नवजवाउनी मंज ब चायस

अउछनय द्वोन परद् प्योम

अहन्कार दुन्द फुटराउविथ

शरमाउविथ हय चोलुम।।

तमिकुय पादाश कोता

यादाश सोरुय मोठुम.

काम क्रूदस नाश करतम

गाश हाउविथ हय चोलुम ।।

वन् कोता छस ब थारान

पत् लारान मा म्य छिम

हेय हेय अथन क्यथ मउय

वुछ नाउविथ हय चोलुम ।।

यि छु दुन्या भ्रम बाउज्यगार

तावनुन छुय बाजार

यावनस मन्ज मउशराउविथ

खोचनाउविथ हय चोलुम॥

शन दीशन मंजबाग सुय

शन आलमन मन्ज छु सुय

शनवय कमलायि हाउविथ

व्यसराउविथ हय चोलुम ॥

साभारः कमला रैना (चौगाम)