शिव शक्तिदात ! छुख बोड कृपालय

लालव आलव दितोमो

ओम सू सू पर सूहम बालव

लालव आलव दितोमो।।

सूहम शब्दस थफ छख कउरिथय

बउरयथय छिय मस खाउसी

दय छुय दिववुन च्यति प्यालव

लालव आलव दितोमो॥

दम कर नोशी च होशी कर पानस

दानस दानस वाती सुय

रूद ज़न शान्ती शबनम वालव

लालव आलव दितोमो॥

ज़ाहरस अमृत म्यति बनावतम

मति छवरावतम मुह गाटस

गाटलिस गाट् प्योम कोता चालव

लालव आलव दितोमो।।

सूर गोम पानस ओम सू स्वरनय

करनय रुसतय येति बनि क्या

यस बनि सय वनि ताँ हालव

लालव आलव दितोमो॥

भवसर सउदरस तार छुन् नोनये

सनि खोत सोनये तमिकुय अन्त

केन्चव ग्रह वुछ केन्ह वुछन खयालव

लालव आलव दितोमो॥

म्यति वुछ ग्रहदयन त फालन कुनुय

नोनय नेरि सु त चललि अंधकार

प्रथवी बार खोत पानय वाललव

लालव आलव दितोमो॥

श्री कृष्णन पान वोव मोख्त ब्योलुय

सारिनय हुन्द माज्य मोलय सुय

रिवदव ज़िन्दयकरि मोख्तस मालव

लालव आलव दितोमो॥

रचि रचि प्यथ च्य दय रट नालव

प्यठ पन्चालव आलव गव

साउत्य साउत्य कमलायि रुद दयालव

लालव आलव दितोमो ॥

साभारः कमला रैना (चौगाम)