नाहकय योर प्योम युन त गछनये

सुय माल्युनये म्योन

हय्स होश वस्य प्योम रुदुम न वोनये

सुय माल्युनये म्योन ॥

माजि येलि ज़ायस ज़्यनमस आयस

द्रायस चे पत् बो

ह्यर बोन वउन्य म्य द्ुत ह्योतुम छारुनये

सुय माल्युनये म्योन ॥

बबन त् माजि किथ पाठय रछनाउवनस

हेछनाउवनस व्यवहार

फलि फिल नाबद गलि द्वोद चाउवनस

सुयमाल्यनये म्योन ॥

जातकस म्याउनिस ह्योतुख वुछुनये

अथि ना तिमन केंन्ह आव

फालनाम बुछ वुछ ह्योतुख गाबरुनये

सुय मालयुन म्योन॥

चार् केन्ह ज़ोनुम न तारगछि लगनुये

भवसर गिरदाबस

यार् बलसय गछि म्य तार लगुनये

सुय मालयन म्योन॥

कोहंन त बालन ह्योतुम फेरनुये

नोन कुनि नेरिना सू

वार कउन्डय चायम बर् नेरवुनये

सुय मालयुन म्योन ॥

सोरुय आउसिथ सोरुय रोवुम

सोरुय सपदुम गुम

सोरुय लबिथ गछि न ज़ान्ह रावरुनये

सुय माल्युनये म्योन ।।

बंद कर कर्म मोह मद गछि त्रावुनये

मानसर करनुय श्रान

हमसन सात्य पान वुफनावुनये

सुय मालयुन म्योन ।।

राज़ हमसन गछि मोख्त छकुनये

कोकरन दुन्य दुन छुय फल

नत् क्या सुद नेरि मूदिस ज्योनये

सुय मालयन म्योन ।।

दयस गछि पान पुशरावुनये

अनुग्रहुक छुस फल

अनुगृह कमलायि गछि बखशुनये

सुय माल्युनये म्योन ॥

साभारः कमला रैना (चौगाम)