सतग्वर नेह नस् आयम रातस

गूव्यन्द दातस वन

कन दाउरिथ रोज़ सातस सातस

गूव्यन्द दातस वन ॥

नम्दर गजिम नेह नस आयम

श्रह नस हटि वोथुम

ब कोता चम् शामस प्रभातस

गूव्यन्द दातस वन ॥

ग्वरनउय गछ शरन सतगुरू दातस

बरन्यन मुचरन ताउरय

शक्ती छयं फेरान शामस प्रभातस

गूव्यन्द दातस वन॥

शब्दस सवार नेर या यति मो लाग चेर

रचि रचि गछियो गेर

यारबल् नाव दर् लउज्य प्रभातस

गूव्यन्द दातस वन ॥

ओम येलि मेलि रुम रुम तेली

गैली मेली सोरूय आलम

हयसउ रोज़ पानो व्यसर इस बातस

गूव्यन्द दातस वन ॥

चानि बापत म्य कूत तावुन चोलुम

यावुन यो ताम बर् गोम

श्रावनन्य ग्रख म्य लउज्य जातकिस ज़ातस

गूव्यन्द दातस वन ॥

वरज् वाव लरज अनिगटि राउवस

लरजाउवनस कालन

काल् ज़ाल् चउट म्य वन्य दात् दयालन

गूव्यन्द दातस वन

माया काल कायायि मंज चामुत

वलन आमुत छुस दास

रचि रचि जाल चठ दोहस त रातस

गूव्यन्द दातस वन

द्वोह द्वोह गन्ज़रिथ द्वोह गोम लूसिथ

शामस क्या कर बो

छन् छस गाउमच निशि पारिज़ातस

गूव्यन्द दातस वन

कन दाउरिथ छस सन् कोता बो

वन् नस वार ना छुम

नत् दिम म्य वरदान अभिज्यथ सातस

गूव्यन्द दातस वन

रुम रुम दित्यमय आलव आलव

प्यठ बन्गालव बोज़

कमलायि अरजी कउर प्रभातस

गूव्यन्द दातस वन

साभारः कमला रैना (चौगाम)