ब लागय पूजि मादल हीय

च्य कास सख्ती दयालय बोज़

अपुज़ मा वन् ब काउन्सि हन्ज़ द्रिय

च कास सख्ती दयालय बोज़ ॥

वोदुम कोताह द्वोदुम येलि पान

वुछी कुस क्या छि कर्मउन्य हान

बरान द्वोह द्वोह यिवान भक्ति

च कास सख्ती दयालय बोज ।।

जवाउनी सूर बुजर आमुत

मुसाफिर पान पथर प्योमुत

ब क्या हाव् कान्सि वन्य योख्ती

च कास सख्ती दयालय बोज ।।

म्य छम चाउनी मनस मन्ज आश

च हावतम नोन सिरयि प्रकाश

म्य मा बेयि कान्सि हन्ज़य आश

च कास सख्ती दयालय बोज ।।

म्य छम पछ सु कउरयमसाये

छु बख्शन हार जायि जाये

सु करि पानय यि पजि ति

च कास सख्ती दयालय बोज ॥

कोकर्मुक छुय यिहोय बहानय

करुन तस ओस पाउन्य पानय

कोकर्मन छुय गछान यि

च कास सख्ती दयालय बोज ॥

बउरिथ कमलयि अश्य टाउरी

करान जारी छि आउरी हथ

पजी पाउठय छय मगांन मुक्ती

च कास सख्ती दयालय बोज ।।

साभारः कमला रैना (चौगाम)