डाल्य सूज़ कम्यतामं

डाल्य वाच कसतैय

कउरनस मसतय रूदमं न होश

कम कम वील ज़ार वन्य म्य तसतय

कउरनस मसतय रूदुम न होश ।।

तस याद सोरुय मशय गव म्ये

संय कथ याद प्यथ वाजिन् म्य बसतय

कउरमस मसतय रूदुम न होश ॥

यी गव म्य पानस ती वन् ब कसतय

सतुक समन्दर मनदुन क्रूठ

न छु कुनि सुम तय नय तार तसतय

कउरनस मसतय रूदुम न होश ।।

दया सागर दया छि कसतय

युस सोरिह यती दय सुन्द नाव

सुय नरभय आसान छु मसतय

कउरनस मसतय रूदुम न होश।।

वन् अन्द्रिम हाल सु वन् कसतय

यस आसि कुनुय नारायण

सुय छुय बेगम फेरान मसतय

कउरनस मसतय रूदुम न होश।।

वन् क्या कउरि करि चेर गव तसतय

हेरह फेरह कर्मुक वोथ अन्धेर

जेरह त् जबरह फेरउ मां तसतय

कउरनस मसतय रूदुम न होश ॥

यिहय कथ प्यठ सरि आमस तय

गरि खोत् गरि गव तेज़ रफतार

वर छुम ग्वर सुन्द गुफतारसतय

कउरनस मसतय रूदुम न होश ।।

वन् कस खबर केंह छन् तस तय

बेखबरी मन्ज वोथ अन्दकार

बार बार वन् क्या बे आरसतय

कउरनस मसतय मसतय रूदुम न होश ॥

दम् दम् कमलायि दम कोरनसतय

दमस मन्जी सूहम सू

ओम शिव शम्भू याद प्यवतसतय

कउरनस मसतूय राम न होश ।।

साभारः कमला रैना (चौगाम)