छेन्य पानय दित म्य वउन्य

पोशि बनी लागसय

हनि हनि मस्तान नंउनी

पोशि बनी लागसय ॥

वुछ हनि हनि यमबुरजल

तुलसी ही त मादल

अउन्द अउन्द शेरीपनी

पोशि बनी लागसय ॥

कमिताम छल् गय म्य ज़ौल

लाय कम्यताम करतल

पेम्य ज़खमन सन्य सनी

पोशि बनी लागसय॥

छुम विशवास पास कुस करह

त्रास ज़ोरावार गोम

छुम अछन म्य सोरम् लागिथ

गर्म सयीत पुच् पार गोम

वुछ च पानय कुस क्या वनी

पोशि बनी लागसय॥

खोश यिवुन म्यूठ मजदार

ज्यूठ छु स्यठाह अन्दकार

अन्दह कार् मन्ज़ क्रेशवुनी

पोशि बनी लागसय॥

अथ कालस मन्ज येचकाल

हय्क् कूत काल हाविथ

ज़ाल चोट म्य वउन वनी

पोशि बनी लागसय ॥

वोन्य न ताकत कथ करनस

अथरोट वोन्य कुस करय्स

करह दया दयाल पानय

पान् तारस तारयज़म

नाव दौयिम कमलायि धनी

पोशि बनी लागसूय ।।

साभारः कमला रैना (चौगाम)