करम छोप् दम म्य मा ज़ोन भ्रम छु समसार

पोरुम सूहम करम छोप् दम भ्रम छु समसार

करिथ कोरमुत त्रावुन हम छु समसार

करम छोप् दम म्य मा ज़ोन भ्रम छु समसार ॥

फसेयस नाहकय मुह जालसीय मंज

स्यठाह काल त्रावनस तथ हालसीय मंज

कोरुम बरदाश सोरुय शम छु समसार

करम छोप् दम म्य मा ज़ोन भ्रम छु समसार॥

वनय क्या कूत काला वोत म्य प्रारान

अछव किन्य खूनि दिल छस ब हारान

गयम गल्ती म्य पानस हम छु समसार

करम छोप् दम म्य मा ज़ोन भ्रम छु समसार ॥

छु आसचर्य टाछर क्या जिन्दगी हुन्द

ति बूजिथ रिन्दव हयोत वारह नचुन

वुछिथ बूज़िथ वनान तिम शम छु समसार

करम छोप् दम म्य मा ज़ोन भ्रम छु समसार ॥

वुछुन सोरुय त्रावुन छोप् करिथ

गोमुत छोनुय गयस जन चूर फउरिथ

हरिथ प्या सारनीय निश् छम न खन्ड हार

करम छोप् दम म्य मा ज़ोन भ्रम छु समसार॥

वुछुन गछि बदल्योमुत छुय आलम

समय मां हिवुय रोजान केंह दम

सुय वुछि समबावय रोज़ि कस सार

करम छोप् दम म्य मा ज़ोन भ्रम छु समसार ॥

म्य यथ समसारसीय मन्ज़ होर कोताह

म्य तुलमुत छुम कलस प्यठ बोर कोताह

तुलुन मुशकिल कलस प्यठ गोब स्यठा बार

करम छोप् दम म्य मा ज़ोन भ्रम छु समसार ॥

अवलय युस गोमुत जालसीय मन्ज

करान छुय सुय पान मोकलावनुक सन्ज़

तवय कमलायि वोलुय कल् प्यठय बार

करम छोप् दम म्य मा ज़ोन भ्रम छु समसार ।।

वनान सारी ज़नम दारुन स्यठाह क्रूठ

प्यवान मुशकिल ज़ाल जाव्युल त ज्यूठ

वनुन आसान बनुन गछि भव संधि तार

करम छोप् दम म्य मा ज़ोन भ्रम छु समसार ॥

साभारः कमला रैना (चौगाम)