ब लागय पोश चारय चारी

च ज़ारी वोज़तम ईशवर्

करय पूज़ा कास म्य खारी

च ज़ारी बोज़तम ईशवर ।।

च थोद वोथ ध्यान कर सुले

च श्रान कर नाग तुलमुले

लगन पूज़ाह छि चोपारीय

च जारी बोज़तम ईशवर्॥

बुउ अन्दि अन्दि फेर परबतसई

च प्रकरम कर चकदरसई

वरी सुय चेय करि यारी

च जारी बोज़तम ईशवर् ।।

व्यन् मादल त् कोसम पोश

ति वुछ वुछ बुलबुलन डोल होश

तवय बापथ म्य ब्यल चारी

च जारी बोज़तम ईशवर्॥

अर्ग तय पोश चे लागय

प्रभातन न्यति नियम जागय

ब लागय शेरि चोपारी

च जारी बोज़तम ईशवर् ।।

नतय म्य हासिल क्या आमुत

म्य कुस शर पूरह छुय द्वामुत

म्य चे पत् तुज स्यठा खारी

च जारी बोज़तम ईशवर्॥

ब लागय भावकीय पमपोश

च ईशवर दिम पननुय होश

छय कमला तार चारय चारीय

च जारी बोज़तम ईशवर्॥

साभारः कमला रैना (चौगाम)