सर्व मंगल च दया कर

वर म्य च्य श्री भगवती

भक्तिवतसल छुख च सतग्वर

वर म्य च्य श्री भगवती ॥

च्य माता पिता त् दाता

बेयि भ्राता बोय बन्द

सर्व मंगल कर म्य यती

वर म्य च्य श्री भगवती ॥

छुय चवापोर राज चोनुय

छि त्रिपोर सुन्दरी वनान

कर दया छी आरकती

वर म्य च्य श्री भगवती ॥

आरकत्यनीय स्यीत च्य छख

मारह मत्यनीय मन्ज़ बिहिथ

बागरावान छख च्य पानय

वर म्य च्य श्री भगवती ॥

महा शक्ति पान च्य छख

महामाया छी वनान

स्वर्गउक ज़ाम छख च पउरिथ

भर्ग शाखा भगवती ॥

यूगी जन यूग छि दारन

दारनाय मन्ज ध्यान चोन

श्रान करान छी तुल् मुले

छख च राज्ञान्या भगवती ॥

रागनय मंज़ राग छु चौनुय

ज़ाग्रत मंज़ रूप चोन

शूभ्विन्य छख प्यठ नागस

जांग हेथ रोजय तती ॥

रथ ब वन्दय पादि कमलन

सथ म्य चानी यछ छम

अनि गटि सीय गाश अन्तम

नाश पापन करति यती ॥

नाम लेखय शाम सोन्दरी

मचि नेन्द्रि याद प्योम

सारनीय भक्ति दिवान छख

कमला प्रारान यती॥

साभारः कमला रैना (चौगाम)