यस निश पानस मस पेयि पानय

सुय गव मसतानय

यस निश पानस छुय जानानय

सुय गव मसतानय॥

सुय छी पानय मोख्तारि आलम

सुय छुय पानय सुलतान शाह

तस निश वारह बोज ताजहअफसानय

सुय गव मसतानय ॥

येम्य तथ सदरस थाह लउय पानय

सारसीय कोरनय ला

तम्य खोर दम दिथ खास दुरदानय

सुय गव मसतानय ॥

यस छुय चशमन द्वोन सुय गाशी

सुय गव अभिनाशी

सुय नेरि काबउ मन्ज खसि आसमानय

सुय गव मसतानय ॥

सुय छुय मोय तय मोय खानय

सुय छुय पयमानय

सुय छुय पानय बागरावानय

सुय गव मेसतानय ॥

येम्य यति होरुय तस यल् तोरुय

ज़ोरुय तोरुक छुस

सूय नेरिह काबउ मन्ज़ खसि असमानय

सुय गव मसतानय ॥

बस क्या रुदय बस क्या मूदय

कमला कउरनस मस

तस तमि तोरह छुय ईशवर पानय

सुय गव मसतानय ।।

साभारः कमला रैना (चौगाम)