ब् आसस शाह शहानय
Kamla Raina (Chowgam) कमला रैना (चौगाम)
ब् आसस शाह शहानय
म्य मा ज़ाल नउली पानय गौम
वनय क्या वनिथ न् हय्कानय
गोमुत छुम नाबकारय पान
ति ज़ानय्म पउनुनय पानय
म्य मा ज़ाल नउल पानय गौम ॥
सउज़र कोताह छु मायि ज़ालस
बनिथ यस आव ज़ानि तस
वुछान छुय वलन् क्या आमय
म्य मा ज़ाल नउल पानय गौम ॥
हयोकुम ना जान्ह वनिथ कांन्स
म्य कोताह पय्तरून प्योम कुनिस पानस
तवय छस पान् वनानय
म्य मा जाल नउय पानय गौम ॥
ब आसस अन्दि अन्दि फेरान
म्य मा गव गन्ड तवय खोरन
ब मा आसस न वुछानय
म्य मा ज़ाल नउल पानय गौम॥
वनान कमला छि दासतानय
यि दासतान पान् लेखानय
ब कस वन् यी छु बनानय
म्य मा जाल नउल पानय गौम॥
साभारः कमला रैना (चौगाम)