मारह कउरनस मारह मती

पारवती वारह बोज़

तारि कउरनस थारि हती

पारवती वारह बोज ॥

अस्य आमत्य लोल हती

दोल् लोगमुत आलमस

प्रारय प्रारय गय आरह करती

पारवती वारह बोज़ ।।

वोठ म्य लउयम सदरसय

कुन्य त कीवल नन्य गयस

ब्रोन्ठ नीरिथ गय पती

पारवती वारह् बोज ॥

श्रान कोर मानसरय

ज़रह ज़रह छोल म्य मल

थयर म्य दिचनम सरस्वती

पारवती वारह् बोज ।।

खोत ओबुर असमानस

पान्य पानस छम खबर

गम कास भ्रम चोल म्य यती

पारवती वारह बोज़॥

कवह गयस कोहसारन

गुलज़ारन वन्य दिवान

रंग रंग गुल फोल्यमती

पारवती वारह बोज ॥

ज़रह ज़रह सर्व व्यापक

हयक वउन्य माता भवानी

शरमन्दह शरन आमत्य

पारवती वारह बोज़ ॥

लोलह कमला नाद लायान

लोलह करान असतोती

लागय लोल् पोश लव्हती

पारवती वारह बोज़ ॥

साभारः कमला रैना (चौगाम)