लोल आमो बुक् बुक् बार बार च्योन

क्या च्य़ गोय ना जाँह कनन वील् जार म्योन

भय कास्तम दय छुम इन्तज़ार चोन

क्या च्य गोय ना जाहं कनन वीलल् ज़ार म्योन ॥

हक् आयस दक् ज़द छम चान्य कल

आदीनन जायि थाव पादन तल

दीन दयाल बोड छुय दरबार चोन

क्या च्य गोय ना जाहं कनन वीलल् ज़ार म्योन ॥

पोशि बागन अज़ लजमच छय फुलय

भय कासतक दय थावतम निर्भय

जय बनी सारनीय येलि छुम धय एतबार चोन

क्या च्य गोय ना जाहं कनन वीलल् ज़ार म्योन ।।

हे शिव पादि कमलान पउरय लगय

हे शिव भय मंज करवुन च ज़य

छी वनान सारी ज़गत आदार सोन

क्या च्य गोय ना जाहं कनन वीलल् ज़ार म्योन ।।

दम करिथ सारी वउलयमित छि भ्रमन

भ्रम छु समसार नाल वोलमुत मुह भ्रमन

बाडि दयाल बोड स्याठाह भन्डार चोन

क्या च्य गोवुय ना जहां कनन वीलल् ज़ार म्यान ।

चय़य छि मिसकीन गमगीन आलव दिवांन

हे सदा शिव नाद बोज़ छुख ना यिवान

छुन् च्य सिवा बेयि काँह सरकार सोन

क्या च्य गोवुय ना जाहं कनन वीलल् ज़ार म्योन ।।

पादिह कमलन तल छय कमला शरन

वीद परन छी चानी तोताह करन

रछतम त्रे तापव निशि छुख सहार म्योन

भय कासतम दय छुम इन्तज़ार च्योन

क्या च्य गोवुय ना जाहं कनन वीलल् ज़ार म्योन ॥

साभारः कमला रैना (चौगाम)