गरिह गरिह करय ब च़ामर
Kamla Raina (Chowgam) कमला रैना (चौगाम)
गरिह गरिह करय ब च़ामर
हे शिव अनुग्रह कर
हर हर कार्य व च़ामर
हे शिव अनुग्रह कर ॥
ज़गतुक छुख रखपाल
नउलय गौ माया ज़ाल
हे दयाल सउजय कर नज़र
हे शिव अनुग्रह कर ॥
सोरुय ज़गत छु द्वोखय
जेरि चानि बनि सोखय
च्य अगम अपर
हे शिव अनुग्रह कर॥
सारनय हुन्द च दाता
मोल मोज बन्द त ब्राता
च्य साक्षात ईश्वर
हे शिव अनुग्रह कर॥
गणपथ तिहुन्द सनतान
वन्दहोस तन मन प्रान
वनि कुस तिहुन्द बज़र
हे शिव अनुग्रह कर ॥
सतकुय गाश दिम च्य
तन छुस थारान बुय
कलि कालुक यि असर
हे शिव अनुग्रह कर ॥
दीवन हुन्द छुख दीव
सारी चान्य करान सीव
रछवुन छन्मातर
हे शिव अनुग्रह कर ॥
जगत गोमुत गीर
सयोद करतख तकदीर
पननी कर त नज़र
हे शिव अनुग्रह कर ॥
कान्ह छुन कान्सि हुन्दय
कासतख मनि द्रुय च्य
कमि करमुक द्राव यि तर
हे शिव अनुग्रह कर ॥
मोल तय मोज हउरान
पज़ि अपज्युक यि बयान
गय नन्ग तय लज थर
हे शिव अनुग्रह कर॥
डोलमुत सत व्यचार
भगवान यित्नय आर
बोड चोनुय दरबार
है शिव अनुग्रह कर ।।
चानी ज़ीव सारी
बाउि दय क्षमा कारी
कर दया अपराद हर
हे शिव अनुग्रह कर ॥
पाद थावतम म्य शेरे
सोरुय अभिलाश नेरे
लागय पोशि अम्बर
हे शिव अनुग्रह कर ॥
लोकचार प्यठ हेचम ज़ाग
हारस गोम पोह त माग
राग रूदुम न केन्ह ज़र
हे शिव अनुग्रह कर ॥
कमला छय हारिथ
कम जयाधि व्यचउरिथ
शान्ती समसार बर
हे सिव अनुग्रह कर ॥
साभारः कमला रैना (चौगाम)