ओसुख च्य तय आसख च्य़ ये

च्य ये छानडान लूसिम पाद

च्य ये छानडान म्य क्या कोरमये

म्य चे पथ लूसिम पाद ।

वांउन्सी दितिमय वोन च्य ये

म्य चोपार्य लूसिम पाद

चोपार्य वुछुम च्यये बुये

सोरुय च्यये लूसिम पाद ॥

साउरसय चोपार्य वोन दित्यमये

सोन्य त वोगन्य आम नय द्राउन्ठ

यिन् करि कान्ह तय ति कोरम्यये

तव किन्य म्य ये लूसिम पाद ।।

हर विज़ि शिन्या ज़न गव म्य ये

वनिथ ह्योकुम न ज़ान्ह

शाह आउसिथ गव गद्या म्य ये

च्य ये छानडान लूसिम पाद ।।

वुछान आउसस तस कर याद पेये

वनि यिहे यियि ना योर

छानडन मुशकिल गव क्या म्य ये

च्य ये छानडान लूसिम पाद ।।

जायि जायि चोपार्य वन्य दित मये

भय चाम पानसदय रछतम

गमं बम चोल म्य चाने लये

च्य ये छानडान लूसम पाद ।।

वुछान आउस्य कमिताम नये

तति आउस्य फेरान कोह तय बाल

वुछान वुछान लोसम ल्ये

च्य ये छानडान लूसम पाद ।।

दारि त् बर यल् त्राउव्य म्य ये

थर लउज्य म्य बर् गोम हिये पान

जाउव्यजार कोताह प्यतरुम म्य ये

च्य ये छानडान लूसम पाद ॥

कोता काल वोत प्रारान म्य ये

च्ये प्ररारान द्वोह तय रात

वुछान वुछान लोसम लये

च्य ये छानडान लूसम पाद ।।

हनि हनि वोन दिथ वुछमख चय्ये

क्षन् क्षन् चय्ये बुय नो केन्ह

यीय ओस वुछमुत तीय बेयि बेये

च्य ये छानडान लूसम पाद ॥

वन् कस कोताह बार खोत म्य ये

च्यय रुसतुय न वन्नस वार

वोनुय कमलायि वन्य म्योन कुस छुये

च्य ये छानडान लूसम पाद ॥

साभारः कमला रैना (चौगाम)