घर घर् करान हर नाव मश्य गोम

यच कउल याद प्योम वन हा कस

ज्यूठ छुय समसार क्रूठ प्यतरुन प्योम

यच कउल याद प्योम वन् हा कस ।।

येति कस वन् तय कुस सना बोज़े

येति कस रोज़े यिछ कथ याद

यिय सोरय सोरय सूर म्य वाउसय

हयोकुम न कान्से वनिथ यि हाल ॥

माया जाल छु जाव्युल ज्यूठुय

प्यतरुन क्रूठय बोज़ि कुस हाल

ज़ानीय सुय युस आसि वलनय आमुत

वनि क्या सुय युस न्यबर द्रामुत छुय॥

ज्योन त मरुन कोताह क्रूठ प्योम

जयूठ छुय दरयाव गोड वुछ तार

नावि हाउन्ज़ पानय नावि नम स्योद रठ

नत् यिन् रोजीय फटनुक भय ॥

च्यय छुख हाउन्ज़ तय च्यय छुख दरयाव

च्ये छय तारउन्य अपोर नाव

क्या क्या करख तय क्या छुय करनुय

गरि गरि स्वरनुय दय सुन्द नाव ॥

मान तय ओवमान वुछुम कूता

वउस्य प्यव सोरुय वन्य छुन् केन्ह

खबर केन्ह छन् तस क्या करन्यु

दम दम सरनुय श्री भगवान॥

माया कालस निशि गछि डरनुय

येति छिय फरान मन्दन्यन चूर

दम् दम् कमला चे कुन शरनय

गरि गरि दरनुय शिव सुन्द ध्यान ॥

साभारः कमला रैना (चौगाम)