मचर आम लाज्यनस पामन

बो नेरय चाख करिथ जामन

म्य आउसम चान्य मनि कामन

बो नेरय चाख करिथ जामन ।।

बो रटहा चान्य चरनारब्यन्द

म्य वुछमय डेकि ओमकार ब्यन्द

तमी छिय येच म्य मनि कामन

बो नेरय चाख करिथ जामन ।।

बो छलाह न्यति नीम चान्य पाद

म्य गेलान लूख बनेमउच साद

तवय खोचान लउजिस पामन

बो नेरय चाख करिथ जामन ।।

हाव् कस सीन् मुचराउविथ

हयक्खकस हाल युथ बाउविथ

यि हाल वुछ वुछ कुनिन थामन

बो नेरय चाख करिथ जामन ।।

यि दुनिया कान्सि हुन्द मा छय

बनिथ बाज्यगार तमाशा छुय

वनिथ कुस हेकि यि घरि शामन

बो नेरय चाख करिथ जामन ॥

वनय क्या हालि दिल कोताह

बनिथ आम अज़ताम कोताह

पोज़य बोज़ बूज़ यि कुलि आलमन

बो नेरय चाख करिथ जामन ।।

खबर मा काउन्सि हाल क्या गव

पजी पाउठय असमानय प्यव

वनुन मा बनि यि बेगानन

बो नेरय चाख करिथ जामन ॥

हचर लद छस मचर आव म्य

बो हावय सीन् मुचरिथ च्य

म्य मा आसय केन्ह ति मनि कामन

बो नेरय चाख करिथ जामन ॥

छि कमला शिव ध्यान दारिथ

पज़ीय पाउठय मान पनुन त्राउविथ

यि होवनम आत्मा रामन

बो नेरय चाख करिथ जामन ॥

साभारः कमला रैना (चौगाम)