हतो पानो कति छुख आमुत

कस छुख जामुत क्या छुय नाव

वनख कस तय बोजी कुसू

यति ना रोजी चय पनुन कन्हा

हतो पानो कति छुख आमुत

कस छुख जामुत क्या छुय नाव ॥

आमित सउरी कमिताम बहानय

यति सामानय सउमबुरिनि ध्राय

लमान सउरी पननि पननि रउज़ये

वजऐ अउखर सेतारउ नय

हतो पानो कति छुख आमुत

कस छुख जामुत क्या छुय नाव ।।

नय छुय चोन तय नय छुय मोनुय

यहा छुय प्रोनुय नोव न कन्हउ

पनुनय पान येलि चय मउश गौवउय

अदउहा चय पयोवुय नोवुय नाव

हतो पानो कति छुख आमुत

कस छुख जामुत क्या छुय नाव ॥

वनउ कस कोता भ्रम गौम पानस

म्यूल जमीन आसमानस सउत

आसिये मा जाह खम गौमुत पानस

बुउनुल जन गव आसमानस ताम

हतो पानो कति छुख आमुत

कस छुख जामुत क्या छुय नाव ॥

सपनस मज़ तीना य हाल काह ज़ाने

अद कति माने वनुन म्योन

शाहर सुय गाम सुय खास तय आम सुय

सुय तय बुय सुय वनुनय कयाह

हतो पानो कति छुख आमुत

कस छुख जामुत क्या छुय नाव ।।

कमीताम हरकज़ पथमहा प्रज़य

शरणय गछहा गरुपादन

त्राहे त्राहे असिस करनय

शरनागत्त्म त्राहेमाम

हतो पानो कति छुख आमुत

कस छुख जामुत क्या छुय नाव ।।

असिस बय तय आसय बउय

सुये सोरीय बय नो केंह

मनि मंछ गयिमत्रोपरयम लीये

हरिथ कमला बय नो केह

हतो पानो कति छुख आमुत

कस छुख जामुत क्या छुय नाव ।।

साभारः कमला रैना (चौगाम)