यलि गलि मुह अन्दकार

त्यलि सूहम तार दिये

यलि चलि भ्रम बाज्यगार

त्यलि सूहम तार दिये॥

पत् मेयि तोब् कोर

रोब् कान्सि गछि न युन

गाब गछि त्यलि आबदार

येली सूहम तार दिये॥

सू छु नोन नंग् नादार

तसन् कान्ह बकार छुये

हावि कुस पनुन गाजार

येलि सूहम तार दिये॥

जायि कोरनम लोकचार

मायि वउजनस भ्रम छुये

भ्रम कासुम दमदार

येलि सूहम तार दिये ॥

खर् संदि प्यठ बोर सार

बोड दुनियादार छुये

बोर तस छु बारदार

येलि सूहम तार दिये॥

नख् येलि वालन बार

पोज़ अपुज़ खार छुये

सु छु पानउ बकछनहार

येलि सूहम तार दिये॥

प्यव पथर वोथुस अहनकार

तस खुमार छुये

तन् ज्यून वन्य खेयि हार

येलि सूहम तार दिये॥

पान् कथ प्यठ गोख खार

संकलप बार छुये

नस रटान छुख बारम्बार

येलि सूहम तार दिये॥

पथ चोल आस व्यचार

नखि हय्थ खार छुये

भवसर् कुनि छा तार

येलि सूहम तार दिये॥

यिय करान वोत यउचकाल

तति मातामाल छुये

तति कालल् सुंद दरबार

येलि सूहम तार दिये॥

यति तति कुनी लार

बोड दुनियादार छुये

तारि गोमुत तार तार

येलि सूहम तार दिये॥

कर जुवह भ्रमह व्यचार

दय दरबार छुये

सुय अचि शिव दरबार

येलि सूहम तार दिये॥

कमला सत व्यचार

सु सारिकुय सार छुये

तउर छन् तारि कन्धार

येलि सूहम तार दिये॥

साभारः कमला रैना (चौगाम)