गव कृष्ण मेंय चूरे चूरे

दित मेय दूरे वनय वतन

तेली छू पोज़ येलि कउर्म पूरे

दित मेय दूरे वउनय वतन ॥

तने प्येठ आज़ ताम न खबरे

लावय भभरे रंग डोलुम

गोव ज़ंज़ूर म्य लावय मूरे

दित मेय दूरे वउनय वतन ॥

वोद्ध मेय कोताह ओश त्रोवुम

लशय नारन कोर मय सूर

पान ज़ोलनम ताप तअरे

दित मेय दूरे वउनय वतन ।।

फर्श मख्मल वथरावय

प्राण पनुन आलवय ब चउय

तेलि छू पौज़ येलि वाति यूरे

दित मेय दूरे वउनय वतन ।।

सूलि वउथ-वउथ ध्यान धउरय धउरय

मानहानि गय मेय कअच

कम वुछान असय चूरी चूरे

दित मेय दूरे वउनय वतन ॥

कर्म ज़ालय कयाह छु अवूयल

पयव मेय ज़वयूल सुय कतुन

वयछनउविथ कोत मय चूरे

दित मेय दूरे वउनय वतन ।।

पअनय पानय अबसविथ

थोव मय त्रविथ वोवरिस

द्राय कम तोस पोबूरे

दित मेय दूरे वउनय वतन ॥

ज़ाम चटिथ नेरहा ब

फेराह ब पथ वनन

यस दिवान तस तेलि पूरे

दित मेय दूरे वउनय वतन ॥

गोसउ मा गोस पोछ ज़ोलनम

तोसउ वथरस ब वतन

लोसनवनस दूरी दूरे

दित मेय दूरे वउनय वतन ॥

वनहा तस कयाह सना गोस

करसना ओस सु मेय सीथ

बअय मशीथ गोस सुय छु नीरे

दित मेय दूरे वउनय वतन ॥

सुय मेय त्रविथ चूरि कोत गोम

वरज़नुय वाव बुथय प्योम

पय मये बुजुम दूरी दूरे

दित मेय दूरे वउनय वतन ॥

सीरी खसिथ लोसि क़ते

वउति वउते वोन दिमस

नज़र दिवान चूरि चूरे

दित मय दूरे वउनय वतन ॥

द्रायी कमला दूरी दूरे

दक्षिण उत्तर पछिम पूरे

नउनि वानय छय न चूरे

दित मय दूरे वडनय वतन ॥

साभारः कमला रैना (चौगाम)