मलया कोफूर बेयि ज्योति चंदन

नंदन मालय कर

न्यरगुण न्यरलीफ बेयि न्यरबन्दन

नंदन मालय कर ॥

मउच छस गामउच ज़न बो फलवाह

गेलान छुम आलम

नाल् बो रटथो कल् छस ब् वंदन

नंदन मालय कर ॥

छोन्य छोन्य रोनि नय हुन्द गोम कनन

वनन होत म्य पय

लय गव मन प्राण कउिर न्यरद्धनदन

नंदन मालय कर ॥

पोशि कनि लागिस न्यथर पूजे

वुजे शिव शंभू

बोल शिव शंभू मलयो चन्दन

नंदन मालय, कर ॥

मूर्ख बोज़ किन्य गोम लोकचार नीरिथ

फीरिथ युन द्वोरलब

कोह आव सोरान द्वोह आव अनदन

नंदन मालय कर ॥

येम्य वारागक्य जाम छुन्य नाली

कर्म धर्म निशि खाली

तम्य पाउन्य पानय नार दुत जंदन

नंदन मालय कर॥

सतग्वर दीवन सिर म्य बोवहम

नन्य पाठय होवहम वथ

जान पान वन्दयो चरनारब्यनदन

नंदन मालय कर ॥

फुलया लज्यमो कोसम बागस

नाग रादस वुज़ि पोन्य

दान् दान् गाज्यनस केन्ह छुमन अंदन

नंदन मालय कर ॥

गछ बा फन्हक्य जाम छुन नॉल्यी

वॉलयी छु सूहम सू

तेलि चिल समंशय बेयि प्रतिबंदन

नंदन मालय कर ॥

शशि कलि गलि गलि चॉवनस साकय

अन कर फलि फलि चलि भव् बंदन

बाकय फाज़िल क्या

नंदन मालय, कर ॥

शिनि छटि अनि गटि वति यिन् रावख

प्रावख शिवशंभू

राय रोस सुय तरि यस न्याय अंदन

नंदन मालय कर ॥

बाहन बुरजन खस तती बस

हय्स निशि गव बे हस

मस कउर कमला ओमकार बंयनदन

नंदन मालय कर॥

साभारः कमला रैना (चौगाम)