स्योदुय आयसय स्योदुय थावतम
Kamla Raina (Chowgam) कमला रैना (चौगाम)
स्योदुय आयसय स्योदुय थावतम
च कासतम भ्रम ज़मानस मन्ज़
गछान छुम बूज्य बूज्य छोप् दम
च कासतम भ्रम जमानस मन्ज़ ॥
ब फेरय मन्द्रह अउन्दि अउन्दी
च्य लागय भाव पोश गोन्दी
गछान वुज़मल तेज़ मदहम
च कासतम भ्रम जमानस मन्ज़ ॥
म्य बूज़म मन्दर ची आरती
च्य छुख जगि हुन्द पार्थीश्वर
ब मंगउ वरदान जगत छोप् दम
च कासतम भ्रम जमानस मन्ज़ ॥
वन् कस लोलकुय फरयाद
करयमं सुय गम् मन्ज़ आज़ाद
दिमय नाद लोल् होत आसतम
च कासतम भ्रम जमानस मन्ज़ ॥
ब लागय लोलकीय पमपोश
च थावतम दम दम म्य होश
फोलन पोश त्राव शान्त शुभनम
च कासतम भ्रम जमानस मन्ज़॥
छय कमला लोल च्य छारान
प्रभातन च्य साउत्य आसान
च रोज़तम साउत्मं म्य हमदम
च कासूतम् भ्रम जमानस मन्ज़ ॥
साभारः कमला रैना (चौगाम)