यिम आयि शमन शमन

सु गोम कमन निशे

यिम गंजरावान दमन

सु गोम कमन निशे॥

वोन दुत म्य बिन्द्राबनस

पय ह्योत म्य कुल्य पनस

सुय पन आमुत चमन

सु गोम कमन निशे॥

चोपार्य वुछिम मैं चिय

पानस गयम म्यचय

छस चानि शरय शमन

सु गोम कमन निशे॥

जमनायि बउठय बउठय नीरिथ

साउरसय आयस फीरिथ

तोति छुमन लोल् नार हमन

सु गोम कमन निशे ॥

हाउरथ वुछित हाउरान

गयस वुछुम पनुन पान

मस गव वोन्य छुन भ्रमन

सु गोम कमन निशे॥

लोकचार म्य गोम ज़ाये

वउजनस कमिताम माये

सुय नार वुनि छुन हमन

सु गोम कमन निशे॥

हनि हनि सउन्य त वोगन्य

रचि रचि दितमय वनीय

बुछि कुस लोल् ज़म ज़मन

सु गोम कमन निशे ॥

बुछ भव सागर वोपकार

रचि रचि हयोतुन सुय नार

सुय छुय कर सना हमन

सु गोम कमन निशे॥

कमला छि दम दिथ वनान

सुय नाद म्य गोम कनन

बूज्य बूज्य ती छि वनन

सु गोम कमन निशे॥

साभारः कमला रैना (चौगाम)