म्य छमना लोल् चानि बोछि

ललवथ गछ कुठय संय मन्ज़

अउछन द्वोन मन्ज़ करय रछि

ललवथ गछ कुठयसय मन्ज ।।

वनय क्या लोल कूत ओसुम

दपन सुय होल म्ये कोसुम

शरण रूज्य रूज्य चजम मनि मछि

ललवथ गछ कुठयसय मन्ज ।।

शरण रूजिथ परन प्यमहा

अशिवानि साउत्य गुड दिमहा

चल्यम समशय गल्यम अद बोछ

ललवथ गछ कुठयसय मन्ज ।।

ब करहय लोल् होत च्ये नाद

ब छलहय न्यथ चाउनी पाद

च करतम नाद च़लन वछ् वछ्

ललवथ गछ कुठयसय मन्ज ।।

छय कमला मउच मसतानय

पज़ी पाउठय च्यय म्य जानानय

च कासतम तृष्णा बोछि

ललवथ गछ कुठयसय मन्ज ।।

साभारः कमला रैना (चौगाम)