म्य कउरमय राउत्य रातस वील् जाउरी हा दयो

मन परेशान छुम गोमुत बे कराउरी हा दयो ।।

छुम न ताकत कान्सि वनहा क्या सना मतलब म्य छुम

यस न वननस वार आसी दिल आजउरी हा दयो ।।

रात्र दयन रोज़ हुशयार कथ करनस छुम न वार

दम् दम् दम गछि नीरिथ दम शुमारी हा दयो ।।

छस बु दाउसी वोदाउसी क्याज़ि द्राहम बेवफा

चानि बापत म्य त्रउव सउरी जान निसाउरी हा दयो ।।

ह्यरि प्याउमच असमानय प्यठ जमीनस तार दिम

छस बु प्रारन करी याउरी ऊपकाउरी हा दयो।।

कथ म्याउनी यिन् मशरावख कथनय गछ दाद दुउन

वाद् वाद मन्ज़ क्या छु नेरान ईनतिज़उरी हा दयो ।।

मअयत ख्यालन मन्ज़ छि कमला लोति 2 आलव दिवान

ओश वसान ददरायि कासुम बेमाउरी हा दयो ॥

साभारः कमला रैना (चौगाम)