क्या सना अद बोज़िना दय
Kamla Raina (Chowgam) कमला रैना (चौगाम)
क्या सना अद बोज़िना दय
पय मनस म्य त्राविहे
लय करिहे मन त प्राणाय
दय सौ दय गथ हाविहे ॥
कर्म कुल्यनय हेल्य छि द्रामित्य
डल छि आमत्य बउरि बउरि
खलसय मन्ज़ समर्बूरविथ
ख्यन् रुस मा त्राविहे।।
हसती निश प्येमच दूर
पूर मस म्य चावतम
सोखतु गोमुत छुम गोमुत सूर
दूर पनुन अलराविहे॥
रोन्य छोन्य छोन्य बुज्यथय दन्य
पादि कमलन वन्दय ब मोन्य
नज़र दिवान सन्य बोगन्य छस
नन्य पाउठय मोख हाविहे ॥
अशि कनि छस खून हारान
लशि नारन ज़उज्यनस
पशि पशि छुम कर म्य कास्यम
पोज़ अपुज़ ननिराविहे ॥
कर्म दर्मुक ब्योल म्य वोवमुत
शान्त शबनमत्रावतम
जा़ हरस अमृत बनावतम
गोस गम मशराविहे।।
चे शरन कमला छि आमच
घरि द्रामच छय न्यबर
बा खबर च्य वथ हावुस
मोह जनजीर फुटराविहे ॥
साभारः कमला रैना (चौगाम)