बूज़मुत पथ कालि ओसुम

दौर अवतार रामनय

रोनि ज़न्गन छोन्य चवापोर

दौर अवतार रामनय॥

राज दशरथ तस मनन वोन

गछ वनन प्रउछ सत रश्रयन

सत रश्रयन आसन सतुक ज़ोर

दौर अवतार रामनय॥

राज़ दशरथ वोत वनस

वासना असउस मनस

गछि म्य सन्तान आस तवय योर

दौर अवतार रामनय॥

गव सतरश्रयन निश राज़ दशरथ

तफ त ज़फ ओस करान

छुम् न सन्तान छुस ब कमज़ोर

दौर अवतार रामनय ॥

वोनुस रैप्शऔं राज़ कन थव

सावदान मन् किन्य च बोज़

अख वनान छुख आसनय चौर

दौर अवतार रामनय॥

नाव तिमन छुय

राम लछमन बेयि भरत शत्रुगण

राज तम्य सुन्द आसि चवापउर

दौर अवतार रामनय ।।

राज़ कन थव राम येमिस नाव

रम्बवुन शीतल स्वभाव

दोख तस आसि तुलुन बोर

दौर अवतार रामनय॥

घरि नेरी राम लक्षमन

सीउत्य आऐस्यख जानकी

कायि गडिथ बुरज् नन्वोर

दौर अवतार रामनय ॥

कूर आसी राज् जनकन्य

चूरी तस रावुन निये

वातनाव्यस समन्दर अपौर

दौर अवतार रामनय ।।

छारनय तस राम लक्षमन

वातनय अशोक वन

डास करिथ लंकायि यिन योर

दौर अवतार रामनय॥

ज्यूठ छुय समसार सउदर

क्रूठ स्यठा चोन मोदुर

सन्त कलनदरव ति यति होर

दौर अवतार रामनय ॥

दारि अवतार पान् भगवान

राजू दशरत भाग्यवान

जय जय कार तस चवापोर

दौर अवतार रामायण ॥

राम रूपय श्याम सोन्दर

पूज़ तस छैय ज़गि अन्दर

वालि योग योग् भूमि हुन्द बोर

दौर अवतार रामायण ॥

भ्रम छु समसार कास मनि दुय

बास प्रकाश चवापोर

मुचराव पनन्यव अथव तौर

दौर अवतार राम ॥

कन दिथ कमला छि बोज़न

मन परान छुस हू त हू

पोज़ बोज़ ओमन तुलुम शोर

दौर अवतार रामनय ।।

साभारः कमला रैना (चौगाम)