ओम नमो भगवती वासुदेवाये

परान आयि शरन भगवान

नमः शिवाय नमः शिवाय

परान आयि शरन भगवान ॥

कोता काल गव यन् तति द्राये

प्रालबदुक बार कोता क्रूठ

वति छेन्य प्रतिबन्द बेयि कामनाये

परान आयि शरन भगवान॥

अन्न ओस सूज़मुत अनपूर्णाये

खम्बापत तन्ग कउरनस न ज़ान्ह

वति वुछय म्य कम कम धर्म सभाये

परान आयि शरन भगवान ॥

पूजा करहा प्रेम् त माये

खोर मुरनस वथ आयम न ज़ान्ह

नाहक बदनाम मन्ज़ प्रजाये

परान आयि शरन भगवान ।।

वाउन्सा वोतुम बार सारान

तार कुनि लोबुम न प्रारान छस

जय जय कार तस महामायाये

परान आयि शरन भगवान ॥

शरन गछिथ सपुद म्य यि हाल

कोताह काल गव स्यठाह यचकाल

वुछ हैरानई बजि बारगाहे

परान आयि शरन भगवान ॥

प्राउन्य छिन् कुनि तय नव्य नव्य ज़ाये

मोख बदलाउविथ आये योर

रज़ लमनस छख बजि वासनाये

परान आयि शरन भगवान ।।

यि क्या सना हाल वुन्य क्यन

बु क्या वनय चे वुछन निरंजन

गाह पाठ पूजा गाह धारनाये

परान आऐयि शरन भगवान ।।

कति पर पाठ बो बेयि पूजाकर

घर ओस न कुनि तय बे घर गोस

कर्म फल बाउगरान हर कुनि जाये

परान आयि शरन भगवान ॥

माया काल छुय ज़ाल वाहराउविथ

स्यठा आउव्युल जाउव्युल त्राउविथ

न्यनदउर म पावुख रछ प्रज़ाये

परान आयि शरन भगवन॥

बु कस वन् वनय म्य क्या हाल गव

म्य मां बरोसय बरोस् निशि प्यव

छि चन्द छेन्य भान्दव वुछने आये

परान आयि शरन भगवान ।।

वुछिथ आशचर लजिम थर् थर्

सर्व व्यापक च छुख ज़र् ज़र्

पोशि कनि मन प्राण लोग कमलाये

परान आयि शरन भगवान ।।

साभारः कमला रैना (चौगाम)