म्य छम गाउमच मेचि साउत्य मेच

ब चाने सउच प्रारान छस

गयस हुशयार बु कमि हरकच

बु चाने सउच प्रारान छस॥

वुछुम म्य आशचरुक आशचर

नज़रि किन्य ज़न यि यूगीश्वर

गयस हुशयार बु कमि हरकउच

बु चाने सउच प्रारान छस ।।

मुबारक गव म्य कनन

ख्योमुत ओस म्य त्रास मनन

छनन पुहपन बनन म्य मउच

बु चाने सुउच प्रारान छस ॥

अन्दर मनुक मन्दर जोतन

न्यबरकुन गाश तम्युक प्रजलन

थंविम यल् बर दारि गय वउछ

बु चाने सउच प्रारान छस ॥

योताम ओस म्य मनस चोन ध्यान

तोताम गव मश्य म्य पननुय पान

बु कस वनहा म्य क्या सना गोछ

बु चाने सउच प्रारान छस ॥

योताम वुछान म्य क्या नयेरी सूद

तोतामथ वोत पानय मूद

तुथय युथ गव ख्यलसय मन्ज़ वोछ

बु चाने सउच प्रारान छस ।।

छु पाउन्य पानय सु पोखतावन

छु जानुन दुन्या तावन

करी क्या डजमच प्रकरच

बु चाने सउच प्रारान छस ।।

नोवुय गुलज़ार नव्यन बागन

नउवय आवाज़ आबशारन

नोवुय सामान नउवय प्रकरच

बु चाने सउच प्रारान छस ।।

नउव्यन गुलेन नोवुय छु रंग

करान छी तिम नोवुय सतसंग

नउवय आवाज नउवय प्रकरच

बु चाने सउच प्रारान छस ॥

फुलय लउजमच कोहसारन

नवीय नवीय जानवर लारन

छि लारन कमिताम मार् मउच

बु चाने सउच प्रारान छस ॥

नोवुय दुनिया नोवुय खानदार

करान छि पानवउन्य मिलचार

वुछिथ राजदान कमला मउच

चाने सउच प्रारान छस ॥

साभारः कमला रैना (चौगाम)