चख द्वुय त्राव

सुय करुन सर्

जर् जर् व्यचार सीत्य

सोख मोख हावतम भास्कर ॥

मोख हावतम च्य चोपार्य

सोख सान थावतम सदा

ही घदादर् म्य चोन आसर्

ज़र् ज़र् व्यचार सीत्य॥

तुज्य म्य अज़ताम काच्य खारी

द्रायि सारी बेवफा

अज़ताम कुस रूद भवसर्

ज़र् ज़र् व्यचार सीत्य॥

सारिनय हुन्द च दाता

मोल मोज बन्द त भ्राता

मूक्षदाता शक्ति वरह

ज़र ज़र व्यचार सीत्य॥

पननुय पान पान् ज़ानुन

गउर जानस क्या वनुन

छउड लजमउच अउन्दर न्यबर्

ज़र् ज़र् व्यचार सीत्य ॥

त्यलि छु पोज़ येलि गेलि आलम

तेलि पानस दम ब दम

शेलि बनि धउन्य चानि बज़र्

ज़र् ज़र् व्यचार सीत्य॥

मन संगलात क्रूठ युन येल

तीलक पाठय च तेल

तेल बल के छन् मात्र

ज़र् ज़र् व्यचार सत्य ॥

कस छु ताकत यियि मुकाबल

पेयि चाने डेडि तल

बलवीर चोनुय म्य आसर्

ज़र् ज़र् व्यचार सीत्य ॥

गम् मंजू करतम म्य आजाद

बोज़तम लोल फरयाद

नाद लाये शान्ती वर

ज़र ज़र व्यचार सीत्य॥

खोचि नादान छुम म्य कालभ्रम

त्राहिमाम शरनागतम

सर्व मंगल कमलाय कर

ज़र ज़र व्यचार सात्य ॥

साभारः कमला रैना (चौगाम)