पानय आम सु जानानय
Kamla Raina (Chowgam) कमला रैना (चौगाम)
पानय आम सु जानानय
म्य मसतान करिथ गोम
सु सोरुय ब बहानय
म्य मसतान करिथ गोम।।
तोरय ओसुम निशान्
म्य पान्य पानय च्यतस प्योम
सु सोरुय ब बहान
म्य मसतान करिथ गोम ।।
धर्मीकि वर् कर्मीक बर्
म्य घर घर् नचुन प्योम
बर त्राव यल् खस असमान
म्य मसतान करिथ गोम॥
सोमभ्रौवमुत म्य ओसुम पान्
म्य दान दान तुलुन प्योम
गोल मोह मस चोल अभिमान
म्य मसतान करिथ गोम ॥
गाडि हन्दि पाठय हन्द्रकि दक्
ताव अन्दर म् अछ
न्यबर फेर बे खसमान्
म्य मसतान करिथ गोम ॥
न्येबर फेर पननेपान्
छुख मसतान् हसस रोज़
मस च्यथ हुस करजे पान्
म्य मसतान करिथ गोम ॥
अच्छ मुचराव वुछ पान्य पान्
रंगा रंग छु शोलान
बोज़ साज़ सेयतार वायान्
म्य मसतान करिथ गोम ।।
सोरय त्राव गछ बोज़ान्
सुय सोज़ कुस छुय वायान
पय हयथ नय छय वजान्
म्य मसतान करिथ गोम ॥
कमलायि मस थोवथम पान्
ननिवान् वनन क्याह
मत् फिरनावतम खान् खान्
म्य मसतान करिथ गोम ।।
साभार: कमला रैना (चौगाम)