माया छाया काया चमनय

कट कर गमनय चठ मायाज़ाल

प्रतिबन्दउकि गन्ड मुचरावय ओमनय

कट कर गमनय चठ मायाज़ाल ॥

कलि कालस मन्ज राम राम स्वरतय

राम गछि करुनुय पननुय पान

त्युथ मन्त्र गछि रुम रुम चमनुय

कट कर गमनय चठ मायाज़ाल ॥

साद भाव् सात्य गछि सादुनय

नाद बूजिथ कन दिथ रोज़

बोज़ छी वनान दीवगण आदमनय

कट कर गमनय चठ मायाज़ाल ॥

सतग्वर ध्यानस प्यठ छुय दरनुय

तरनुय तारस करूनउ अपोर

पउंरय पउंरय अपुर मुह हेयि भ्रमनुय

कट कर गमनय चठ मायाज़ाल ॥

द्वोह लूसिथ ह्योत च़्य कुन न्यमनुय

कमनय सात्य गव म्योन व्यवहार

फन्द करय करय हयोतनम ज़न्द छननुय

कट कर गमनय च मायाज़ाल ॥

लोल नार चाल ज़ाल अझान गननय

काम क्रूध लूभ मुह बेयि अहनकार

झान रूप् ज्योति नार लगि कमनय

कट कर गमनय चठ मायाज़ाल॥

रंग रंग पोशय फोलिय कमलायि

कन्डि रुस गुलाब छा मुशकदिवान

रोय छुस शूबान बोय छुस पननुय

कट कर गमनय चढू मायाज़ाल ॥

साभार: कमला रैना (चौगाम)