ओश वोथुम ददरायि

वोदुम द्रायि वुछयने

जलिउर सन्दि पाठय जाल वूनुम

जालसय मन्ज़ गोस ॥

ज़ावजारचि त्रायि वोदुम

द्रायि वुछयने

आव्युल त जाव्युल कोताह पन

छुस न लगान छन ॥

अवय म्य स्जुरुचि जायि वोदुम

द्रायि वुछयने ॥

क़त्य क़त्य आछुर कोता गोम

ओम कतुन प्योम

ओम ओमचे त्रायि वोदुम

द्रायि वुछयने ।।

सत ज़न सात्य हय्थ

सत व्यचारस लोकचारस ओस

सत संगके त्रायि वोदुम

द्रायि वुछयने ॥

तफ कउरि कउरि तफ खचायाम

जफ करायाम सय्द

आयि खन्डरात गय जायि वोदुम

द्रायि वुछयने ॥

खन्दन मन्ज़ खन्द गयम

फन्द व्यवहारस

चन्द छेन्य गयायस जाये वोदुम

द्रायि वुछयने ॥

मायायि सात्य छि ग्रायि दिवान

सउय गरीबन रेह

बे खसमान बेवायि वोदुम

द्रायि वुछयने ॥

गफलत यि दुन्या ज़ान सोरुय

कस छु रोज़ान सार

गुफतार बे परवाय वोदुम

द्रायि वुछयने ।।

सारी मुसाफिर खान बउरि बउरि

पान् रोज़नु कस

वुछः वुछः दिल दोबरायि वोदुम

द्रायि वुछयने ।।

नाहक योर प्योम युन त गछुन

छुय यि द्वोख सागर

यी वुछ: वुछ: कमलायि वोदय

द्रायि वुछयने ॥

साभार: कमला रैना (चौगाम)