यिवान छस बो अबुर बन्य बन्य

दिवन वन्य आसमानन मन्ज़

चवान लोल्मस मस बन्य बन्य

दिवान वन्य आसमानन मन्ज़ ।।

छु भवसर भ्रम तय आवलुन

गछान मश्य मश्य याद ख्योन चोन

अउछव किन्य वोथ म्य ज़न रूद

बनिथ यच् बारानस मन्ज़ ॥

छु चाने आसरय शोलान

रंगा रंग जानवर बोलान

बनिथ बो बागवान रोज़य

दिमय व्य गुलिसतानन मन्ज ॥

सोन्दर वानी सोन्दर थव मन

च्य अज यी प्रण म्य सात्यन छुय

चलख कोत दूर पतय लारय

रटथ बो कोह वयावानन मन्ज़ ॥

कमन कमन गयस पत् पत्

ब वुछहा चानि वत् छि कपअरय

अकल गय दंग बेयि हारान

च वुछमख वारानन मन्ज़॥

म्य गोन्डनम रुम् रुमय नार

गयम म्य रुम रुमय हुशयार

कोरुन मुह मदसय लुरह पार

वुछुम तपिस तानस मन्ज़ ।।

वनय क्या हाल क्या संउपुन

कुनी ज़न्य हय्चनस कापन्य

दितिम वन्य शहर तय गामन

सु डयून्ठुम मसतानन मन्ज़ ।।

कुनिस पानस गयम कम खारय

यिवान छिम बरय बरय अशय टारय

खोरन कउर दग पुचपारन

म्य बूज़ूम अन्द मज़ारन मन्ज़॥

गयस फलवा त डोलुम होश

फोलुम अदह बूद कुय पमपोश

वुछुम आशचरह कुय सोदा

छि कमला शाह शहारन मन्ज्य ॥

साभार: कमला रैना (चौगाम)