येलि यियि सख्ती भक्ति
Kamla Raina (Chowgam) कमला रैना (चौगाम)
येलि यियि सख्ती भक्ति
मोखती मेलि सुदामस
त्यलि चलि संकट सख्ती
मोखती मेलि सुदामस । ।
वल् थव कन चे वनय
क्या क्या गुदरोव तनय
तोति छम चानी भक्ति
मोख्ती मेलि सुदामस ।।
बा स् कर् चानी पूजा
न्यरआशी प्येमच सरि राह
घर् रुसतय छम सख्ती
मोख्ती मेलि सुदामस ॥
अन्द्रिम मा बनि वनुन
सीर मा गछि फाश पनुन
नाश कर पापन छि सख्ती
मोख्ती मेलि सुदामस ॥
कम कम फिर लग्य म्य पानस
कस वन् यथ जमानस
कुस कासि व्याद तय सख्ती
मोख्ती मेलि सुदामस ।।
आव यस बनिथ पानस
वनि क्या सु बेगानस
हय्क् क्या हाविथ सख्ती
मोख्ती मेलि सुदामस॥
गाटस येलि प्योम गाटय
करमउनि रज़ी क्या वाटय
ददरायि ओश वोथ म्य बखती
मोख्ती मेलि सुदामस ॥
अकिसय व्न्य म्य ज़ारी
अकिसय लगहा पारी
लछनोव छानडुन सख्ती
मोख्ती मेलि सुदामस॥
ज़ामन कउरमय पारय
तव् किन्य छस आवारय
यि दिच् रामन शक्ति
मोख्ती मेलि सुदामस ॥
रामस छल्ब पादय
रछवुन सन्त त सादय
नाव् चानि चलि दूर सख्ती
मोख्ती मेलि सुदामस ॥
कमलायि वोन गणशयामस
स्योद वुछ शहरस त गामस
च्य कास संकट सख्ती
मोख्ती मेलि सुदामस ।।
साभार: कमला रैना (चौगाम)