कोस् पूजा कुसू पाठ पर्

हर लगयो नावस

अकि नाव चानि सात्य बो तरु

हर लगयो नावस ।।

दउदलद छस आज म्य बूज़ुम

सुय छुम दादयन दवा

बर म परवाय सुय छु ज़र् ज़र्

हर लगयो नावस ।।

रुम् रूम्य बुय च लल्वथ

रुम रुम छम चान्य सथ

गुम् छिम वसान बसमादर्

हर लगयो नावस ॥

छोखलद छस छोख म्य लग्यमित्य

जख्मी गव पान म्योन

ज़ानि ईश्वर सुय छु ज़र ज़र

हर लगयो नावस॥

नत् करहा अस्तुती चान्य

प्रतिबन्द निशि रछतम

दोख दादि निशि रछ म्य ईश्वर

हर लगयो नावस ॥

अस्तुति चान्यी ब करहा

मस्त मदहोश थवतम

पोशन कर्ब अम्बर

हर् लगयो नावस ॥

प्रालबद कर्मुक भूग भूगुन

भव् रूगन करत् नाश

आश छम चान्यी म्य ईश्वर्

हर लगयो नावस॥

घर् रुसतुय छुन् कान्ह घर्

बेहन् बापथ न कुनि जाय

करत् अनुग्रह दय सोज़ घरउ

हर लगयो नावस॥

कमला छय नाद बोजान

याद कर सना पेयि तस

अस्य गछ हाव पननुय घर्

हर लगयो नावस ॥

साभार: कमला रैना (चौगाम)