असार समसार सारनय

तस बे आरस आरनय

बेगम वोफादारनय

तस बे आरस आरनय ।।

ज्वल त्राविथ रोज़ बोज़ कनय

वज् वुन छुय सेतार नय

लोल्नार ज़ोरावार हय

तस बे आरस आर नय।।

दूरी दितनम तीर बरिथ

लोल् होत सीनस गोम तरिथ

हारिथ पेयस गमखारनय

तस बे आरस आर नय ॥

दम् दम् दमन हय्स करिथ

यकदम प्येयस पुह पन हरिथ

रस लोग मस खुमार हय

तस बे आरस आर नय।।

सोरय 2 समसार सर् गोम

कउति कउति आछुर पर् प्योम

दरह गोम अप्रम पार हय

तस बे आरस आर नय।।

वस पेयि सोरुय यति हरिथ

छोनुय गछ अपोर तरिथ

कुनुय सु बेशुमार हय

तस बे आरस आर नय ॥

वनन कमला लोल सोज़

द्वोन गोम कुनुय वारह बोज़

त्रउन मन्ज़ दुनिया दार हय

तस बे आरस आरनय ॥

साभार: कमला रैना (चौगाम)